மொத்தப் பெயரையும் கெடுத்துட்டாங்க.. இனி அந்தப் பக்கம் தலைவைத்துக் கூட படுக்கமாட்டேன்… உயிருக்கு பயந்து நடுங்கிய நடிகை.. பகீர் கிளப்பும் ரகசியங்கள்..!!

தெலுங்கு பிக்பாஸ் நிகழ்ச்சியில் இரண்டு முறை போட்டியாளராகப் பங்கேற்ற நடிகை ஹரிதேஜா, அண்மையில் அளித்த பேட்டியொன்றில் தனக்கு ஏற்பட்ட கசப்பான அனுபவங்களைப் பகிர்ந்துள்ளார். முதல் சீசனில் பங்கேற்ற போது, லோனாவாலாவின் அடர்ந்த காட்டுப்பகுதியில் வீடு அமைந்திருந்ததால் நள்ளிரவில் புலி மற்றும் பாம்புகளின் நடமாட்டம் இருந்ததாகவும், இருப்பினும் தொகுப்பாளர் ஜூனியர் என்.டி.ஆருடன் பழகியது அந்த நாட்களை சுவாரஸ்யமாக்கியதாகவும் அவர் குறிப்பிட்டுள்ளார்.

இருப்பினும், கடந்த 2024-ல் பிக்பாஸ் சீசன் 8-க்குள் வைல்ட் கார்ட் போட்டியாளராக நுழைந்த ஹரிதேஜாவிற்குப் பெரும் ஏமாற்றமே மிஞ்சியது. முதல் சீசனில் அவருக்குக் கிடைத்த நற்பெயர் இந்த சீசனில் முழுமையாகச் சிதைந்துவிட்டதாகவும், நிகழ்ச்சியிலிருந்து வெளியே வந்த பிறகு அவர் மீது வீசப்பட்ட கடுமையான எதிர்மறை விமர்சனங்கள் மற்றும் சமூக வலைதள ட்ரோல்களால் அவர் நிலைகுலைந்து போனதாகவும் தெரிவித்துள்ளார்.

இந்த ட்ரோல்கள் தனக்குக் கடுமையான மன அழுத்தத்தை ஏற்படுத்தியதாகவும், அதிலிருந்து மீண்டு வர நீண்ட காலம் தேவைப்பட்டதாகவும் அவர் உருக்கமாகப் பேசியுள்ளார். “இந்த ஜென்மத்தில் இனி பிக்பாஸ் வீட்டிற்குள் போகமாட்டேன், அந்தப் பக்கம் தலை வைத்துக்கூட படுக்கமாட்டேன்” என்று கூறியுள்ள அவர், தற்போது அந்த நிகழ்ச்சியைப் பார்ப்பதற்கே தனக்குச் சலிப்பாக இருப்பதாகத் திட்டவட்டமாகத் தெரிவித்துள்ளார்.