துரோகத்தின் உச்சம்.! 48 மணி நேரம்… 2 சீரழிப்பு… ஒரு கொடூரக் கொலை.. டெல்லியை உறைய வைத்த ‘சைக்கோ’ வேலைக்காரன்..!!

தெற்கு டெல்லியின் ஈஸ்ட் ஆஃப் கைலாஷ் பகுதியில் வசித்து வந்த ஓய்வுபெற்ற வருமான வரித்துறை அதிகாரியின் 45 வயது மகள், தனது வீட்டில் சடலமாக கண்டெடுக்கப்பட்டார். இக்கொலையைச் செய்தது அந்த வீட்டில் முன்பு வேலை பார்த்த ராஜு மற்றும் அவனது கூட்டாளியான அஜய் என்பது விசாரணையில் தெரியவந்துள்ளது. கொள்ளையடிக்கும் நோக்கில் வீட்டிற்குள் நுழைந்த இவர்கள், அந்தப் பெண்ணைக் கொடூரமான முறையில் கொலை செய்துவிட்டு, வீட்டிலிருந்த நகை மற்றும் பணத்தைச் சுருட்டிக் கொண்டு தப்பியோடியுள்ளனர்

இந்தக் கொலையாளிகளின் அட்டகாசம் டெல்லியுடன் நிற்கவில்லை. இவர்கள் டெல்லிக்கு வருவதற்கு முன்பே ராஜஸ்தானின் ஆழ்வார் (Alwar) பகுதியில் ஒரு பெண்ணைப் பாலியல் வன்கொடுமை செய்து கொலை செய்துள்ளனர். அங்கிருந்து தப்பி டெல்லி வந்த இவர்கள், ஐ.ஆர்.எஸ் அதிகாரியின் மகளைக் கொலை செய்வதற்கு இரண்டு நாட்களுக்கு முன்பே, மற்றொரு பெண்ணைக் கடத்திச் சென்று பாலியல் வன்கொடுமை செய்துள்ள அதிர்ச்சித் தகவலும் விசாரணையில் அம்பலமாகியுள்ளது. வெறும் 48 மணி நேர இடைவெளியில் இரண்டு பாலியல் வன்கொடுமைகள் மற்றும் ஒரு கொலையை இவர்கள் அரங்கேற்றியுள்ளனர்.

முன்னாள் வேலைக்காரன் என்பதால் வீட்டின் பாதுகாப்பு ஓட்டைகளை நன்கு அறிந்திருந்த ராஜு, திட்டமிட்டு இந்தச் செயலைச் செய்துள்ளான். தொழில்நுட்ப ஆதாரங்கள் மற்றும் சிசிடிவி காட்சிகளின் அடிப்படையில் டெல்லி மற்றும் ராஜஸ்தான் போலீசார் இணைந்து நடத்திய தேடுதல் வேட்டையில் குற்றவாளிகள் கைது செய்யப்பட்டனர். கைதேர்ந்த குற்றவாளிகளைப் போலத் தொடர்ந்து கொடூரச் செயல்களில் ஈடுபட்டு வந்த இவர்களின் பின்னணி, டெல்லி மக்களிடையே பெரும் பீதியை ஏற்படுத்தியுள்ளது.