இன்ஸ்டாகிராம் காதல்… குடும்பத் தகராறு… நள்ளிரவில் காத்திருந்த அதிர்ச்சி… மண்ணெண்ணெய்யை ஊற்றியா கள்ளக்காதலன்… பெண்ணுக்கு நேர்ந்த கொடூரம்… குலை நடுங்க வைக்கும் சம்பவம்…!

ஈரோடு பாரதி நகரைச் சேர்ந்த வினோதினி என்ற இளம்பெண்ணுக்கும், ராமநாதபுரத்தைச் சேர்ந்த நவநீதிகிருஷ்ணன் என்பவருக்கும் இன்ஸ்டாகிராம் மூலம் பழக்கம் ஏற்பட்டு, அது பின்னர் கள்ளக்காதலாக மாறியது. குடும்பத் தகராறு காரணமாக கணவனைப் பிரிந்து மகனுடன் தனியாக வசித்து வந்த வினோதினி, நவநீதிகிருஷ்ணனின் போக்கில் ஏற்பட்ட மாற்றத்தால் அவரிடம் பேசுவதை தவிர்த்து வந்தார். இதனால் ஆத்திரமடைந்த நவநீதிகிருஷ்ணன், வேறு ஒருவரை அவர் காதலிப்பதாகச் சந்தேகப்பட்டு அடிக்கடி தகராறு செய்து வந்துள்ளார்.

சம்பவத்தன்று நள்ளிரவில் ஈரோட்டிற்கு வந்த நவநீதிகிருஷ்ணன், வினோதினியின் வீட்டுக் கதவைத் தட்டி தகராறில் ஈடுபட்டுள்ளார். வினோதினி அவரை வீட்டை விட்டு வெளியே போகுமாறு கறாராகக் கூறியதால் கடும் கோபமடைந்த அவர், அங்கிருந்த மண்ணெண்ணெய்யை வினோதினி மீது ஊற்றி தீ வைத்துள்ளார். உடலில் தீ பற்றியதால் வலியால் அலறிய வினோதினி, தப்பிக்க முயன்ற நவநீதிகிருஷ்ணனை இறுகப் பிடித்துக் கொண்டதில் அவருக்கும் தீக்காயங்கள் ஏற்பட்டன.

இதையடுத்து அலறல் சத்தம் கேட்டு ஓடிவந்த பெற்றோரும் அக்கம்பக்கத்தினரும், படுகாயமடைந்த வினோதினியை மீட்டு ஈரோடு அரசு மருத்துவமனையில் அனுமதித்தனர். எனினும், சிகிச்சை பலனின்றி வினோதினி பரிதாபமாக உயிரிழந்தார். இச்சம்பவம் குறித்து கொலை வழக்குப்பதிவு செய்துள்ள போலீசார், தீக்காயங்களுடன் மருத்துவமனையில் சிகிச்சை பெற்று வரும் நவநீதிகிருஷ்ணனைத் தீவிரமாக கண்காணித்து வருவதுடன், டிஸ்சார்ஜ் செய்யப்பட்டதும் அவரை சிறையில் அடைக்க நடவடிக்கை எடுத்து வருகின்றனர்.