“ஹாலிவுட் ரேஞ்சுக்கு மிரட்டும் தமிழக பெண் போலீஸ்”… ‘சிங்கப்பெண் சிறப்பு அதிரடிப்படை’ பிரிவின் தீம் பாடல் வெளியீடு..!

தமிழக காவல் துறையில் வீரம், துணிச்சல் மற்றும் கம்பீரத்தின் அடையாளமாக விளங்கும் பெண் காவலர்களைப் பெருமைப்படுத்தும் வகையில், ‘சிங்கப்பெண் சிறப்பு அதிரடிப்படை’ பிரிவிற்கான அதிகாரப்பூர்வத் தீம் பாடலைதமிழ்நாடு அரசு சமீபத்தில் வெளியிட்டுள்ளது. தமிழக முதலமைச்சர் முன்னிலையில் மிக பிரம்மாண்டமாக நடைபெற்ற இந்த அதிரடிப்படையின் தொடக்க விழாவில், இப்பாடல் முறைப்படி அறிமுகம் செய்யப்பட்டது. பெண் காவலர்களின் கம்பீரமான அணிவகுப்பு, அதிநவீன ரோந்து வாகனங்களின் அணிவகுப்பு மற்றும் ஆபத்தான சூழல்களை எதிர்கொள்ளும் பாதுகாப்பு ஒத்திகைகள் எனப் பல எழுச்சிமிக்க காட்சிகளுடன் இந்த வீடியோ பாடல் பார்ப்போரைக் கவரும் வகையில் வடிவமைக்கப்பட்டுள்ளது.

சமூகத்தில் சவால்களை எதிர்கொண்டு சாதனை படைக்கும் பெண்களின் அசாத்திய துணிச்சலை பறைசாற்றும் வகையில் இப்பாடலின் வரிகள் அமைந்துள்ளன. குறிப்பாக, “நெஞ்சம் எப்போதும் இரும்புப் பெண்ணே… நெஞ்சம் பூக்கும் அறிவுப் பெண்ணே…” போன்ற உத்வேகம் தரும் வரிகள், பெண் காவலர்களின் மன உறுதியையும், அறிவுத்திறனையும் மிகக் கம்பீரமாக வெளிப்படுத்துகின்றன. எந்தவொரு கடினமான சூழ்நிலையையும் எதிர்கொள்ளும் திறனுடைய இந்த ‘சிங்கப்பெண் சிறப்பு அதிரடிப்படை’, தமிழக காவல் துறைக்கும் ஒட்டுமொத்த பெண் சமுதாயத்திற்கும் ஒரு மிகப்பெரிய மைல்கல்லாகவும், பெருமிதமாகவும் திகழ்கிறது என்பதில் ஐயமில்லை.

The Government of Tamil Nadu released a song to the Singappen Special Task Force pic.twitter.com/8oHpuQCHOb— Vignesh Theni (@Vignesh_twitz) June 14, 2026