எல்லாமே ஈஸி தான்…! சிங்கப்பூர் போன இந்திய இன்ஜினியருக்கு காத்திருந்த ஷாக்…. நம்ம ஊருக்கும் அதுக்கும் இவ்வளவு வித்தியாசமா…?

சிங்கப்பூர் சென்ற இந்திய மென்பொருள் பொறியாளர் அமன், அந்நாட்டின் சிறப்பம்சங்களை நான்கு முக்கியப் புள்ளிகளாக விளக்கியுள்ளார். அங்கு போக்குவரத்து நெரிசலைக் குறைக்க கார்கள் வாங்க கடுமையான கட்டுப்பாடுகள் இருப்பதால், பெரும் நிறுவனங்களின் அதிகாரிகள் கூட பொதுப் போக்குவரத்தை விரும்பிப் பயன்படுத்துகின்றனர். உணவு விஷயத்தில், பெரும்பாலான மக்கள் வீடுகளில் சமைக்காமல் ‘ஹாக்கர் சென்டர்கள்’ எனப்படும் சுகாதாரமான உணவகங்களையே நாடுகின்றனர். தரமான உணவும், அங்கு நிலவும் வரிசை முறையும் அவரை வெகுவாகக் கவர்ந்துள்ளன.

டிஜிட்டல் வளர்ச்சியில் சிங்கப்பூர் உச்சத்தில் இருப்பதாகவும், ‘சிங்பாஸ்’ செயலி மூலம் அனைத்து அரசுச் சேவைகளையும் எளிதாகப் பெற முடிவதாகவும் அவர் குறிப்பிட்டுள்ளார். தனிமனித சுதந்திரத்திற்கு அந்நாடு அதிக முக்கியத்துவம் அளிக்கிறது. மக்கள் மற்றவர்களின் அந்தரங்கத்தில் தலையிடாமல் தங்கள் வேலையில் கவனம் செலுத்துகின்றனர். இந்தியாவோடு ஒப்பிடுகையில் அங்குள்ள கட்டமைப்பு மற்றும் கலாச்சாரம் மிகப்பெரிய மாற்றத்தை உணர்த்துவதாக அவர் நெகிழ்ச்சியுடன் பகிர்ந்துள்ளார்.