“என்னை காப்பாத்துங்க” கத்தியும் யாருமே உதவிக்கு வரல..! கண்ணெதிரே துடிதுடித்து இறந்த உயிர்… 33 வயது வாலிபர் நீரில் மூழ்கும் பதைபதைக்கும் சிசிடிவி காட்சி..!!

குஜராத் மாநிலம் ராஜ்கோட்டில் உள்ள ஒரு சொகுசு விடுதியின் (Resort) நீச்சல் குளத்தில், 33 வயது மதிக்கத்தக்க நபர் ஒருவர் நீரில் மூழ்கி பரிதாபமாக உயிரிழந்த சம்பவம் அதிர்ச்சியை ஏற்படுத்தியுள்ளது. உயிரிழந்தவர் தனது நண்பர்களுடன் விடுதிக்கு வந்து குளித்துக் கொண்டிருந்தபோது, திடீரென நீச்சல் தெரியாமல் தண்ணீரில் தத்தளித்துள்ளார். இந்தச் சம்பவம் அங்கிருந்த கண்காணிப்பு கேமராவில் (CCTV) பதிவாகியுள்ளது.

நீரில் மூழ்கிய நபர் உதவி கேட்டுப் போராடியபோது, குளத்திற்கு வெளியே நின்றிருந்தவர்களும் அருகில் குளித்துக் கொண்டிருந்தவர்களும் அதைச் சரியாகக் கவனிக்கவில்லை. அவர் தண்ணீருக்குள் மூழ்கித் தத்தளிப்பதைப் பார்த்தும், அங்கிருந்தவர்கள் அவர் விளையாடுகிறார் என்று தவறாக நினைத்துக் கொண்டு வேடிக்கை பார்த்தார்களே தவிர, யாரும் உடனடியாகச் செயல்பட்டு அவரைக் காப்பாற்ற முன்வரவில்லை. சிறிது நேரப் போராட்டத்திற்குப் பிறகு அவர் மூச்சுத் திணறி நீருக்குள்ளேயே உயிரிழந்தார்.

வெளியே இருந்தவர்கள் அந்த நபர் நீரில் அசைவற்று இருப்பதைக் கண்டு அதிர்ச்சியடைந்து, பின்னர் அவரை மீட்டு மருத்துவமனைக்குக் கொண்டு சென்றனர். ஆனால், அவர் ஏற்கனவே உயிரிழந்துவிட்டதாக மருத்துவர்கள் உறுதி செய்தனர். கண்ணெதிரே ஒரு உயிர் துடிதுடித்து நீரில் மூழ்கியபோது, அருகில் இருந்தவர்கள் அலட்சியமாக இருந்ததும், சரியான நேரத்தில் அவருக்கு உதவி கிடைக்காததும் பெரும் சோகத்தையும் விவாதத்தையும் ஏற்படுத்தியுள்ளது.