85 வயதிலும் மாறாத இளமை…! எம்.ஜி.ஆர் கொடுத்த ‘அந்த’ வரம் பற்றி தெரியுமா…? பல வருட ரகசியத்தை பகிர்ந்த நடிகர் சிவக்குமார்…!!

தமிழ் சினிமாவின் மூத்த கலைஞரான நடிகர் சிவகுமார், தனது 85 வயதிலும் இளமையாகத் தெரிவதற்கான ரகசியத்தை அண்மையில் நடந்த ஒரு விழாவில் நெகிழ்ச்சியுடன் பகிர்ந்து கொண்டார். 1979-ஆம் ஆண்டு அவரது 100-வது பட விழாவில் பங்கேற்ற முன்னாள் முதல்வர் எம்.ஜி.ஆர், “முருகன் என்றால் இளமை மற்றும் அழகு என்று பொருள், சிவகுமார் வாழும் காலம் வரை இளமையாக இருப்பார்” என வாழ்த்தியதே தனக்குக் கிடைத்த வரமாக அமைந்தது என்று அவர் குறிப்பிட்டுள்ளார். இத்தனை ஆண்டுகளைக் கடந்தும் அதே புத்துணர்வோடு இருப்பதற்கு இதுவே மிக முக்கியக் காரணம் என அவர் பெருமையுடன் தெரிவித்துள்ளார்.

தனது திரைப்பயணத்தின் தொடக்க கால நினைவுகளையும் பகிர்ந்த அவர், ‘கந்தன் கருணை’ படத்தில் முருகனாக நடிக்கத் தேர்வான தருணத்தை விவரித்தார். அந்த வேடத்திற்காகப் பலருக்குத் தேர்வு நடத்தப்பட்ட நிலையில், ஆடை மற்றும் அணிகலன்களுடன் முருகனாகத் தன்னை கண்ணாடியில் பார்த்தபோது அச்சு அசல் கடவுளைப் பார்ப்பது போலவே தான் உணர்ந்ததாகக் கூறினார். ஆரம்பத்தில் வசனம் பேசும் போது முருகனுக்குரிய சாந்தத்தை எப்படிக் கொண்டு வர வேண்டும் என்று இயக்குநர் கற்றுக்கொடுத்த அனுபவங்களையும், அப்படத்தின் வெற்றியையும் அவர் மகிழ்ச்சியுடன் நினைவு கூர்ந்துள்ளார்.