வர்த்தக உலகில் அடுத்த பூகம்பம்… ஹார்முஸ் முடிந்தது, அடுத்து இதுவா?… மொத்த உலகமும் ஸ்தம்பித்து விடும்… கதிகலங்கும் கப்பல் படை…!!!

உலகளாவிய கடல்சார் வர்த்தகத்தில் ஹார்முஸ் ஜலசந்திக்கு அடுத்தபடியாக, ‘பாப் அல்-மண்டப்’ எனப்படும் ‘கண்ணீர் வாசல்’ தற்போது மிகப்பெரிய அச்சுறுத்தலாக உருவெடுத்துள்ளது. செங்கடலையும் ஏடன் வளைகுடாவையும் இணைக்கும் இந்த குறுகிய பாதை, ஆசியா மற்றும் ஐரோப்பாவிற்கு இடையிலான சரக்கு போக்குவரத்தில் முக்கிய பங்கு வகிக்கிறது.

மேலும் சமீபகாலமாக ஏமனின் ஹூதி கிளர்ச்சியாளர்கள் இப்பகுதியில் வணிகக் கப்பல்களை இலக்கு வைத்து நடத்தி வரும் தாக்குதல்கள், சர்வதேச கப்பல் நிறுவனங்களை பீதியடையச் செய்துள்ளன. இதனால் பல நிறுவனங்கள் தங்களது கப்பல்களை பாதுகாப்பான, ஆனால் நீண்ட தூரம் கொண்ட ஆப்பிரிக்காவின் ‘நன்னம்பிக்கை முனை’ வழியாக திருப்பி விடுகின்றன.

இந்த வழித்தட மாற்றம் காரணமாக கப்பல்களின் பயண நேரம் அதிகரிப்பதோடு, எரிபொருள் செலவு மற்றும் காப்பீட்டுக் கட்டணங்களும் பல மடங்கு உயர்ந்துள்ளன. இது உலக சந்தையில் அத்தியாவசியப் பொருட்களின் விலையேற்றத்திற்கு வழிவகுக்கும் எனப் பொருளாதார வல்லுநர்கள் எச்சரிக்கின்றனர்.

இதனால் ஹார்முஸ் ஜலசந்தியில் ஏற்படும் பதற்றங்கள் ஏற்கனவே எரிசக்தி விநியோகத்தைப் பாதித்துள்ள நிலையில், ‘கண்ணீர் வாசல்’ பகுதியில் நிலவும் இந்த உறுதியற்ற சூழல் உலகளாவிய வர்த்தகச் சங்கிலியை மேலும் நிலைகுலையச் செய்துள்ளது. கடல்சார் பாதுகாப்பை உறுதி செய்ய சர்வதேச நாடுகள் கைகோர்த்தாலும், இப்பகுதியில் நிலவும் புவிசார் அரசியல் சிக்கல்கள் கப்பல் போக்குவரத்துத் துறைக்குத் தொடர்ந்து கண்ணீரை வரவழைக்கும் சவாலாகவே நீடிக்கிறது.