கொலை செய்துவிட்டு சமையல் செய்த கொடூரன்… மனிதனா இவன்?… ஐஸ்கிரீம் விற்பனையாளருக்கு நேர்ந்த கொடூர முடிவு… போலீசாரையே அதிரவைத்த அந்த ஒரு காட்சி..!!!

உத்தரப்பிரதேச மாநிலம் பரேலி மாவட்டத்தில் மனிதநேயமற்ற முறையில் அரங்கேறியுள்ள ஒரு கொலைச் சம்பவம் ஒட்டுமொத்த நாட்டையும் உலுக்கியுள்ளது. அங்குள்ள ஒரு கிராமத்தைச் சேர்ந்த நபர், ஐஸ்கிரீம் விற்பனையாளர் ஒருவரை மிகக் கொடூரமான முறையில் தலையைத் துண்டித்துக் கொலை செய்துள்ளார்.

இத்துடன் நிறுத்தாமல், துண்டிக்கப்பட்ட தலையைத் தனது வீட்டிற்கு எடுத்துச் சென்ற அந்த நபர், ரத்தம் சொட்டச் சொட்ட அதைத் தனது அறையில் வைத்திருந்தது அப்பகுதி மக்களிடையே பெரும் பீதியைக் கிளப்பியுள்ளது. மது போதை அல்லது மனநல பாதிப்பு காரணமாக இந்தச் செயல் நடந்திருக்கலாம் என முதற்கட்ட விசாரணையில் சந்தேகிக்கப்படுகிறது.

இந்தச் சம்பவத்தின் உச்சகட்ட கொடூரமாக, ஐஸ்கிரீம் விற்பனையாளரைக் கொலை செய்த பிறகு, அந்த நபர் எதுவுமே நடக்காதது போல் தனது வீட்டில் உணவு சமைத்துச் சாப்பிட்டுள்ளார். தகவல் அறிந்து சம்பவ இடத்திற்கு விரைந்த காவல்துறையினர், கொலையாளியின் வீட்டில் இருந்த துண்டிக்கப்பட்ட தலையைக் கண்டு அதிர்ச்சியடைந்தனர்.

மேலும் உடனடியாக அந்த நபரைக் கைது செய்த போலீசார், எதற்காக இந்தத் துணிகரமான கொலையை அவர் செய்தார் என்பது குறித்து தீவிர விசாரணை நடத்தி வருகின்றனர். ஒரு மனிதன் சக மனிதனை இவ்வளவு கொடூரமாகக் கொலை செய்துவிட்டு, சாவகாசமாக உணவு சமைத்த நிகழ்வு அப்பகுதியில் பெரும் பரபரப்பை ஏற்படுத்தியுள்ளது.