‘அன்பே வா’ சீரியலை விட்டு விலகும் முக்கிய நடிகை… ரசிகர்களுக்கு வைத்த அன்பான கோரிக்கை… என்ன தெரியுமா…?

சன் தொலைக்காட்சியில் ஒளிபரப்பாகி ரசிகர்கள் மத்தியில் மாபெரும் வரவேற்பு பெற்று வரும் தொடர் ‘அன்பே வா’ . இந்த சீரியலில் பூமிகா என்ற கதாபாத்திரத்தில் ஹீரோயினாக நடித்து வருபவர் டெல்னா டேவிஸ். அவருக்கு ஜோடியாக விராட் நாயகனாக நடிக்கிறார். இத்தொடர் ரசிகர்கள் மத்தியில் பெருமளவில் பிரபலமாகி அவர் ரசிகர்கள் அனைவரையும் கவர்ந்துள்ளார். நடிகை டெல்னா டேவிஸ் இதற்கு முன் வித்தார்த் நடிப்பில் வெளிவந்த ‘குரங்கு பொம்மை’ என்ற படத்தில் ஹீரோயினாக நடித்திருந்தார்.

மேலும் அவர் ஆக்கம், 49 ஓ என்ற படங்களிலும் நடித்துள்ளார். அதனைத் தொடர்ந்து அவர் தற்போது சின்னத்திரையில் களமிறங்கி நடித்து வருகிறார். இதற்கிடையில் சமூகவலைதளங்களில் பிஸியாக இருக்கும் நடிகை டெல்னா டேவிஸ் அவ்வப்போது தனது புகைப்படங்கள் மற்றும் வீடியோக்களை இணையத்தில் வெளியிட்டு ரசிகர்களை கவர்ந்தும் வருகிறார்.

இந்தநிலையில், அன்பே வா தொடரில் கதாநாயகியாக நடித்திருக்கும் டெல்னா டேவிஸ் தொடரை விட்டு விலகுவதாக அறிவித்துள்ளார்.  ‘அன்பே வா’ சீரியல்  1000 எபிஸோடுகளை நெருங்கி கொண்டு இருக்கிறது. 2020 ல் தொடங்கப்பட்ட இந்தத் சீரியல் மூன்று ஆண்டுகளைக் கடந்து வெற்றிகரமாக ஒளிபரப்பாகிவருகிறது. தற்பொழுது தனது இணையதள பக்கத்தில் இதுதொடர்பாக அவர் வெளியிட்டுள்ள பதிவில், ‘அன்புள்ள அன்பே வா குடும்பமே, அன்பே வா தொடரிலிருந்து நன்றியுடன் விடைபெறுகிறேன்.

அழகான நினைவுகளால் இங்கு எனக்கு மறக்க முடியாத பயணம் கிடைத்தது. என் வாழ்க்கையில் மிகவும் முக்கியம் வாய்ந்தது அன்பே வா தொடர். அனைவருக்கும் நன்றி. இந்தத் தொடரில் நானும் ஒரு அங்கமாக இருந்ததைப் பெருமையாக நினைக்கிறேன். தொடர்ந்து உங்களது ஆதரவை `அன்பே வா’ தொடருக்கு கொடுங்கள்’ என ரசிகர்களுக்கு அன்பான வேண்டுகோள் வைத்துள்ளார்.