“பகீர்!… செல்போனை பிடுங்கிய பெற்றோர்.. அடுத்த சில நிமிடங்களில் மாணவன் எடுத்த விபரீத முடிவு… திருச்சியில் சோக சம்பவம்”…!!!

திருச்சி பாலக்கரை சங்கிலியாண்டபுரம் பகுதியைச் சேர்ந்த கல்லூரி மாணவர் ஒருவர், செல்போன் பயன்பாட்டைக் கண்டித்ததால் தற்கொலை செய்துகொண்ட சம்பவம் அப்பகுதியில் பெரும் சோகத்தை ஏற்படுத்தியுள்ளது. சபாபதி தெருவில் வசிக்கும் ரமேஷ் என்பவரது மகன் ஹரிதாஸ் (18), தனியார் கல்லூரியில் முதலாமாண்டு ஓட்டல் மேலாண்மை பயின்று வந்தார். இவர் எப்போதும் செல்போனிலேயே மூழ்கி இருந்ததால், அதனைப் பார்த்த பெற்றோர் அவரைத் திட்டியுள்ளனர். இதனால் மனமுடைந்த ஹரிதாஸ், கடந்த நேற்று முன்தினம் யாரும் இல்லாத நேரத்தில் வீட்டில் தூக்கிட்டுத் தற்கொலை செய்துகொண்டார்.

தகவலறிந்து சம்பவ இடத்திற்கு விரைந்த பாலக்கரை காவல்துறையினர், ஹரிதாஸின் உடலைக் கைப்பற்றி பிரேதப் பரிசோதனைக்காகத் திருச்சி அரசு மருத்துவமனைக்கு அனுப்பி வைத்தனர். இச்சம்பவம் குறித்து வழக்குப் பதிவு செய்துள்ள போலீசார், மாணவரின் தற்கொலைக்கு வேறு ஏதேனும் காரணங்கள் உள்ளனவா அல்லது செல்போன் பழக்கத்தால் ஏற்பட்ட மன அழுத்தம் காரணமா என்பது குறித்து தீவிர விசாரணை நடத்தி வருகின்றனர். இளம் மாணவர் ஒருவர் சிறு காரணத்திற்காக உயிரை மாய்த்துக்கொண்டது அந்தப் பகுதியில் மிகுந்த வருத்தத்தை ஏற்படுத்தியுள்ளது.