அட கொடுமையே… கோவில் திருவிழாவிற்குச் சென்ற மனைவி… வீடுக்கு திரும்பி வர மறுப்பு… புதுமாப்பிள்ளை எடுத்த விபரீத முடிவு… கர்நாடகாவில் அதிர்ச்சி சம்பவம்…!

கர்நாடக மாநிலம் துமகூரு மாவட்டம் குனிகலைச் சேர்ந்த 28 வயதான அவினாஷ் என்பவருக்கும், அவரது காதலிக்கும் சில மாதங்களுக்கு முன்பு திருமணம் நடந்துள்ளது. புதுத்தம்பதிகள் இருவரும் மகிழ்ச்சியாக குடும்பம் நடத்தி வந்த நிலையில், மனைவியின் சொந்த ஊரில் உள்ள கோவில் திருவிழாவிற்காக அவர் தனது பெற்றோர் வீட்டிற்குச் சென்றுள்ளார். திருவிழா முடிந்த பிறகும் மனைவி நீண்ட நாட்களாகத் தனது தாய்வீட்டிலேயே தங்கியிருந்துள்ளார்.

மனைவியைப் பிரிந்திருந்த அவினாஷ், அவரை மீண்டும் தனது வீட்டிற்கு வந்து குடும்பம் நடத்துமாறு அழைத்துள்ளார். ஆனால், மனைவி வருவதற்குத் தயக்கம் காட்டியதுடன் செல்போனில் பேசியபோதும் சரியாகப் பதில் அளிக்காமல் தொடர்ந்து அலட்சியப்படுத்தி வந்துள்ளார். இதனால் மனமுடைந்த அவினாஷ், மனைவியை உடனடியாக வீட்டிற்கு வந்து குடும்பத்தைத் தொடருமாறு பலமுறை வலியுறுத்தியும் பலன் கிடைக்கவில்லை.

காதலித்துத் திருமணம் செய்த மனைவி தன்னைவிட்டுப் பிரிந்து வர மறுத்ததாலும், முறையான பதில் அளிக்காததாலும் அவினாஷ் கடுமையான மன உளைச்சலுக்கு ஆளானார். இதனால் விரக்தியடைந்த புதுமாப்பிள்ளை அவினாஷ், தனது வீட்டில் தூக்குப் போட்டுத் தற்கொலை செய்து கொண்டார். இச்சம்பவம் குறித்து குனிகல் போலீசார் வழக்குப் பதிவு செய்து விசாரணை நடத்தி வருகின்றனர்.