இது பரமபதமா? இல்லை மரண பயமா?… பாம்புகளே காய்களாக, பெண்ணே பகடையாக… பார்ப்பதற்கே குலைநடுங்கும் வீடியோ..!!!

நிஜமான பாம்புகள் நிறைந்த அறைக்குள் பெண் ஒருவர் ‘பரமபதம்’ விளையாட்டு விளையாடும் வினோதமான வீடியோ இணையத்தில் வெளியாகி வைரலாகி வருகிறது. பொதுவாக நாம் அட்டை அல்லது செல்போனில் விளையாடும் இந்த விளையாட்டை, அந்தப் பெண் தத்ரூபமாக நிஜப் பாம்புகளுக்கு இடையே விளையாடுவது பலரையும் அதிர்ச்சியில் ஆழ்த்தியுள்ளது.

மேலும் அந்த அறையில் தரையில் ஏணிகள் வைக்கப்பட்டிருக்க, அப்பெண் ஒரு பகடையை உருட்டுகிறார். பகடையில் விழும் எண்ணிற்கு ஏற்ப அவர் தரையில் நகரும்போது, அங்கு சுற்றித் திரியும் பாம்புகள் அவர் மீது பாய்வதும் அங்கும் இங்கும் துள்ளிக்குதிப்பதுமாக இருப்பது பார்ப்பதற்கே மிகவும் பயங்கரமாக உள்ளது. இன்ஸ்டாகிராமில் பகிரப்பட்ட இந்த வீடியோவை இதுவரை 40 லட்சத்திற்கும் அதிகமானோர் பார்த்துள்ளனர்.

A post shared by Rahila Rashid (@_shilpi_rahila)

“>

இதனை வீடியோவில் அப்பெண் தைரியமாக விளையாடினாலும், பாம்புகள் அவர் மீது பாயும் போது அங்கிருப்பவர்கள் அலறுவதும் சிரிப்பதுமான சத்தங்கள் கேட்கின்றன. இந்த வீடியோவைப் பார்த்த நெட்டிசன்கள் பலவிதமான கருத்துகளைப் பகிர்ந்து வருகின்றனர் “விளையாடுவது நீங்களாக இருந்தாலும், இதைப் பார்த்து எனக்குத்தான் கால் நடுங்குகிறது” என்று ஒரு பயனர் பதிவிட்டுள்ளார்.

இந்த விளையாட்டில் பயன்படுத்தப்பட்ட பாம்புகள் விஷமற்றவையாக இருக்கலாம் என்று கருதப்பட்டாலும், இத்தகைய ஆபத்தான செயல்களில் ஈடுபடுவது உயிருக்கு அச்சுறுத்தலாக முடியும் என சமூக வலைதளங்களில் விவாதங்கள் எழுந்துள்ளன.