எடப்பாடிக்கு செக்..! புதிய கட்சியைத் தொடங்கினார் புகழேந்தி… கட்சியின் பெயர் தான் ஹைலைட்டே….!!

அதிமுகவில் இருந்து நீக்கப்பட்ட மூத்த நிர்வாகியான பெங்களூரு வ. புகழேந்தி, தற்போது ‘புரட்சி அதிமுக’ (Puratchi AIADMK) என்ற பெயரில் புதிய அரசியல் கட்சியைத் தொடங்கியுள்ளார். இன்று (மார்ச் 4, 2026) சென்னையில் உள்ள இந்தியத் தேர்தல் ஆணைய அலுவலகத்தில் இதற்கான விண்ணப்பத்தைச் சமர்ப்பித்த பிறகு அவர் இத்தகவலை வெளியிட்டார். எம்.ஜி.ஆர் மற்றும் ஜெயலலிதா ஆகியோரின் உண்மையான கொள்கைகளைப் பின்பற்றுவதற்காகவே இந்தக் கட்சி தொடங்கப்பட்டுள்ளதாக அவர் தெரிவித்துள்ளார்.

கட்சியின் பெயர் ‘புரட்சி அதிமுக’ என்று வைக்கப்பட்டதற்குத் தனித்துவமான காரணம் ஒன்றையும் அவர் சுட்டிக்காட்டியுள்ளார். அதாவது, ‘புரட்சி’ என்ற சொல் எம்.ஜி.ஆரையும் ஜெயலலிதாவையும் குறிக்கும் என்பதால், இந்தத் தலைப்பையே தனது கட்சிக்குத் தேர்ந்தெடுத்ததாகக் கூறியுள்ளார். தேர்தல் நெருங்கும் வேளையில் அதிமுகவில் இருந்து பிரிந்து சென்றவர்கள் ஆளுக்கொரு கட்சியைத் தொடங்கி வரும் நிலையில், புகழேந்தியின் இந்த அறிவிப்பு அரசியல் வட்டாரத்தில் பெரும் கவனத்தைப் பெற்றுள்ளது.