மெட்ரோ பயணிகளுக்கு முக்கிய அறிவிப்பு..! இனி இந்த கார்டு இருந்தா தான்… மெட்ரோ நிர்வாகத்தின் அதிரடி அறிவிப்பு..!

சென்னை மெட்ரோ ரயிலில் பயணம் செய்யும் பயணிகளுக்கு மிக முக்கியமான அறிவிப்பு ஒன்றை மெட்ரோ ரயில் நிர்வாகம் வெளியிட்டுள்ளது. இதன்படி, மெட்ரோ ரயில் நிலையங்களில் இனிமேல் க்யூஆர் (QR) குறியீடு பயணச் சீட்டுகள் மற்றும் சிங்கார சென்னை கார்டுகள் மட்டுமே பயன்பாட்டில் இருக்கும் என்பது உறுதி செய்யப்பட்டுள்ளது. குறிப்பாக, நீண்ட காலமாகப் புழக்கத்தில் இருந்த மெட்ரோ பயண டோக்கன்கள் மற்றும் பழைய டிராவல் கார்டுகளை முழுமையாக அப்புறப்படுத்திவிட்டு, டிஜிட்டல் முறையிலான மற்றும் நேஷனல் காமன் மொபிலிட்டி கார்டு (NCMC) முறையை ஊக்குவிக்க இந்த அதிரடி நடவடிக்கை எடுக்கப்பட்டுள்ளது.

இந்த மாற்றத்தின் மூலம் பயணிகள் நீண்ட வரிசையில் நின்று டோக்கன் வாங்குவது தவிர்க்கப்படும் என்றும், சிங்கார சென்னை கார்டுகளைப் பயன்படுத்துவதன் மூலம் சென்னைக்குள் மட்டுமல்லாமல் இந்தியாவிலுள்ள மற்ற மெட்ரோ ரயில்கள் மற்றும் பேருந்துகளிலும் ஒரே கார்டைப் பயன்படுத்திப் பயணம் செய்யும் வசதி கிடைக்கும் என்றும் தெரிவிக்கப்பட்டுள்ளது. பயணிகளின் வசதிக்காக அனைத்து மெட்ரோ நிலையங்களிலும் சிங்கார சென்னை கார்டுகளைப் பெறுவதற்கான சிறப்பு மையங்கள் செயல்பட்டு வருகின்றன. டிஜிட்டல் முறைக்கு மாறும் இந்த முயற்சி, பயண நேரத்தைக் குறைப்பதோடு மெட்ரோ சேவையை மேலும் நவீனப்படுத்தும் என்று எதிர்பார்க்கப்படுகிறது.