பேச மறுத்த கள்ளக்காதலி… நள்ளிரவில் வீட்டிற்குள் புகுந்து வாலிபர் செய்த கொடூரம்..! கிருஷ்ணகிரியில் பரபரப்பு..!

கிருஷ்ணகிரி மாவட்டம் போச்சம்பள்ளி அடுத்த பண்ணந்தூர் பகுதியைச் சேர்ந்த திருமணமான பெண் ஒருவருக்கும், அதே பகுதியைச் சேர்ந்த வாலிபர் ஒருவருக்கும் இடையே கள்ளக்காதல் ஏற்பட்டுள்ளது. நாளடைவில் இவர்களது உறவில் கருத்து வேறுபாடும், அடிக்கடி தகராறும் ஏற்பட்டு வந்ததாகக் கூறப்படுகிறது. இதனால் அந்தப் பெண், வாலிபரைத் தவிர்த்து வந்ததாகத் தெரிகிறது.

இதனால் ஆத்திரமடைந்த அந்த வாலிபர், சம்பவத்தன்று நள்ளிரவில் பெண்ணின் வீட்டிற்குள் அத்துமீறி நுழைந்துள்ளார். அங்கு தூங்கிக்கொண்டிருந்த பெண்ணுடன் வாக்குவாதத்தில் ஈடுபட்ட அவர், தான் மறைத்து வைத்திருந்த கத்தியை எடுத்து அந்தப் பெண்ணை கொடூரமாகக் குத்தியுள்ளார். பெண்ணின் அலறல் சத்தம் கேட்டு ஓடிவந்த அக்கம் பக்கத்தினர், இரத்த வெள்ளத்தில் கிடந்த அவரை மீட்டு மருத்துவமனைக்குக் கொண்டு செல்ல முயன்றனர். ஆனால், அவர் சம்பவ இடத்திலேயே பரிதாபமாக உயிரிழந்தார்.

இச்சம்பவம் குறித்துத் தகவல் அறிந்த போச்சம்பள்ளி காவல்துறையினர், விரைந்து வந்து பெண்ணின் உடலைக் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இக்கொலை குறித்து வழக்குப் பதிவு செய்த போலீசார், தப்பியோடிய கள்ளக்காதலனைத் தீவிரமாகத் தேடி வந்த நிலையில், அவரை அதிரடியாகக் கைது செய்து தீவிர விசாரணை மேற்கொண்டு வருகின்றனர்.