கடவுள் மாதிரி வந்த பொதுமக்கள்… நடுரோட்டில் பறந்த பள்ளிச் சிறுமி… நூலிழையில் உயிர் தப்பிய அதிசயம்… சிசிடிவி யில் சிக்கிய நெஞ்சை உலுக்கும் காட்சி.!

பிலாயின் சாவனி காவல் நிலைய எல்லைக்குட்பட்ட பகுதியில், கடந்த ஜூலை 8ஆம் தேதி மதியம் சுமார் 1:30 மணியளவில் பெரும் அசம்பாவிதம் ஒன்று நூலிழையில் தவிர்க்கப்பட்டது. பள்ளி முடிந்து வீடு திரும்பிக் கொண்டிருந்த ஒரு சிறுமி, வேகமாகச் சென்று கொண்டிருந்த பள்ளி வாகனத்தில் இருந்து எதிர்பாராதவிதமாக திடீரென நடுரோட்டில் தூக்கி வீசப்பட்டாள். நெஞ்சை பதறவைக்கும் இந்த ஒட்டுமொத்த சம்பவமும் அங்குள்ள ஒரு வீட்டின் சிசிடிவி கேமராவில் பதிவாகி தற்போது சமூக வலைத்தளங்களில் அதிர்ச்சியை ஏற்படுத்தி வருகிறது.

https://twitter.com/ndtv/status/2075494237609845050/photo/1

பள்ளி வாகனத்தின் கதவு சரியாகப் பூட்டப்படாததே இந்த விபத்திற்குக் காரணம் என்று கூறப்படும் வேளையில், அந்தச் சிறுமிக்கு அதிர்ஷ்டவசமாகப் பெரும் ஆபத்து ஏதும் நேரவில்லை. சிறுமி கீழே விழுந்த அந்தத் தருணத்தில் பின்னால் அதிவேகமாக எந்தவொரு கனரக வாகனமும் வரவில்லை என்பதும், பின் தொடர்ந்த கார் மிக மெதுவாக வந்ததும் பெரும் நல்வாய்ப்பாக அமைந்தது. விபத்தைக் கண்டதும் அப்பகுதி பொதுமக்கள் உடனடியாக ஓடிவந்து அச்சிறுமியை மீட்டு முதலுதவி அளித்தனர். பள்ளி குழந்தைகளின் பாதுகாப்பில் வாகன ஓட்டிகளும் பள்ளி நிர்வாகமும் கூடுதல் கவனத்துடன் இருக்க வேண்டும் என்பதை இந்தச் சம்பவம் மீண்டும் ஒருமுறை எச்சரித்துள்ளது.