“தினமும் என் காலை தொட்டு கும்பிடுங்க” வற்புறுத்திய ஆசிரியர்… மாணவர்கள் மறுத்ததால் அரங்கேறிய கொடூர சம்பவம்..!!

ஒடிசா மாநிலம் மயூராஜி மாவட்டத்தில் உள்ள ஒரு கிராமத்தில் அரசு உயர்நிலைப்பள்ளி ஒன்றில் பணியாற்றி வருபவர் சுகந்தி கர். இவர் பள்ளியில் காலை இறைவணக்கத்திற்கு பிறகு 6 முதல் 8-ம் வகுப்பு மாணவர்களை தன்னுடைய காலைத் தொட்டு வணங்க வேண்டும் என்று வற்புறுத்தி வந்துள்ளார். கடந்த சில வாரங்களாக மாணவர்கள் சுகந்தியின் காலை தொட்டு வணங்கி வந்துள்ளார்கள் .இந்த நிலையில் கடந்த வாரம் வியாழக்கிழமை இறைவணக்கத்திற்கு பிறகு தன்னுடைய காலை தொட்டு வணங்க ஆசிரியர் சுகந்தி வற்புறுத்தி உள்ளார்.

ஆனால் மாணவர்கள் தொட்டு வணங்க மறுப்பு தெரிவித்துள்ளார்கள். இதனால் கோபம் அடைந்த சுகந்தி பிரம்பால் மாணவர்களை சரமாரியாக தாக்கியதில் மாணவ மாணவியர் பலர் காயமடைந்த நிலையில் மருத்துவமனையில் அனுமதிக்கப்பட்டுள்ளார்கள். இந்த சம்பவம் குறித்து அறிந்த கல்வித்துறை அதிகாரிகள் விசாரணை மேற்கொண்டதில் காலை தொட்டு வணங்காததால் மாணவ மாணவியரை ஆசிரியர் தாக்கியது உறுதியானது. இதனை அடுத்து சுகந்தியை சஸ்பெண்ட் செய்து கல்வித்துறை அதிகாரிகள் உத்தரவு பிறப்பித்துள்ளனர்.