“தமிழகத்தின் அடுத்த முதல்வர் யார்..? அதிமுகவிற்கு மெஜாரிட்டி… அதிர வைக்கும் கருத்துக்கணிப்பு முடிவுகள்..!!

தமிழக சட்டமன்றத் தேர்தல் களம் சூடுபிடித்துள்ள நிலையில், ஐஏஎன்எஸ்-மேட்ரைஸ் (IANS-Matrize) நடத்திய புதிய கருத்துக்கணிப்பு முடிவுகள் அரசியல் வட்டாரத்தில் பெரும் அதிர்வலைகளை ஏற்படுத்தியுள்ளன. இந்தக் கணிப்பின்படி, வரும் தேர்தலில் அதிமுக கூட்டணி 114 முதல் 127 இடங்களை வரை கைப்பற்றி, ஆட்சியைப் பிடிப்பதற்கான வாய்ப்புகள் அதிகம் எனத் தெரிவிக்கப்பட்டுள்ளது. மொத்த வாக்கு சதவீதத்தில் 40% பெற்று அதிமுக கூட்டணி முதலிடத்தைப் பிடிக்கும் என்றும் இந்த ஆய்வு முடிவுகள் சுட்டிக்காட்டுகின்றன.

மறுபுறம், ஆளும் கட்சியான திமுக கூட்டணி 104 முதல் 114 இடங்களை வரை மட்டுமே பெறும் எனக் கூறப்பட்டுள்ளது. இது கடந்த தேர்தலை விடக் குறைவான இடங்களாகப் பார்க்கப்படுகிறது. சுமார் 36% முதல் 38% வரை வாக்குகளை திமுக கூட்டணி பெறும் என்று எதிர்பார்க்கப்படும் நிலையில், ஆளுங்கட்சிக்கு எதிராக நிலவும் சில அதிருப்தி அலைகள் அதிமுகவிற்குச் சாதகமாக மாறியுள்ளதாக இந்தத் தரவுகள் தெரிவிக்கின்றன.

அனைவரையும் ஆச்சரியப்படுத்தும் வகையில், முதன்முறையாகத் தேர்தலைச் சந்திக்கும் நடிகர் விஜய்யின் தமிழக வெற்றிக் கழகம் (தவெக), தமிழக அரசியலில் ஒரு ‘கேம் சேஞ்சராக’ உருவெடுத்துள்ளது. சுமார் 15% வாக்குகளைப் பெற்று, 12 தொகுதிகள் வரை வெற்றி பெறும் வாய்ப்புள்ளதாகக் கூறப்பட்டுள்ளது. விஜய்யின் வருகை திராவிடக் கட்சிகளின் வாக்கு வங்கியில் குறிப்பிடத்தக்கத் தாக்கத்தை ஏற்படுத்தியுள்ளதால், தமிழகத்தில் இந்த முறை மும்முனைப் போட்டி நிலவுவது உறுதி செய்யப்பட்டுள்ளது.