கமலின் நாயகன் முதல் சித்தி சீரியல் வரை நடித்த இந்த நடிகையை ஞாபகம் இருக்கா?… இப்போ என்ன பண்றாங்க தெரியுமா..?

தமிழ் சினிமாவை பொருத்தவரையில் எத்தனையோ குழந்தை நட்சத்திரங்கள் அறிமுகமானாலும் ஒரு சிலர் மட்டுமே மக்கள் மனதில் நீங்காத இடம் பிடித்திருப்பார்கள். அப்படி ஒருவர்தான் நடிகை நீனா. நாயகன், கேளடி கண்மணி போன்ற படங்களின் மூலம் குழந்தை நட்சத்திரமாக அறிமுகமானவர். இதனை தொடர்ந்து 1994 ஆம் ஆண்டு வெளியான விடுகதை என்ற திரைப்படத்தின் மூலம் மக்கள் மனதில் இடம் பெற்றார். இதனைத் தவிர அஜித் நடிப்பில் வெளியான ராசி மற்றும் விஜய் நடிப்பில் வெளியான காலமெல்லாம் காத்திருப்பேன் போன்ற திரைப்படங்களிலும் முக்கிய கதாபாத்திரத்தில் இவர் நடித்துள்ளார்.

இவை அனைத்திற்கும் மேலாக கண்ணாத்தாள் திரைப்படம் மூலமாக இவர் ஒட்டுமொத்த தமிழ் ரசிகர்கள் மனதிலும் நீங்காத இடம் பிடித்தார். இதில் இவர் ஏற்று நடித்த கதாபாத்திரம் ஒட்டுமொத்த தமிழ் ரசிகர்களையும் கவர்ந்த நிலையில் இவரை அடுத்த இடத்திற்கு கொண்டு சென்றது என்று தான் சொல்ல வேண்டும். குறிப்பாக பெண்கள் விரும்பும் ஒரு கதாபாத்திரமாக கண்ணாத்தாள் திரைப்படம் இருந்தது.

இருந்தாலும் சினிமாவில் தொடர்ச்சியான வாய்ப்புகள் வராததால் தொலைக்காட்சி சீரியல் பக்கம் தன்னுடைய கவனத்தை இவர் திருப்பினார். இதில் சித்தி மற்றும் அண்ணாமலை போன்ற தொடர்கள் ரசிகர்களிடம் சூப்பர் ஹிட் ஆனது. சினிமாவை தாண்டி மேலும் பலருக்கு நீனாவை அறியும் வகையில் இந்த சீரியல்கள் இருந்தன.

அதன் பிறகு சினிமா மற்றும் சின்னத்திரை ஆகியவற்றில் இருந்து படிப்படியாக இவர் விலக தொடங்கினார். பிறகு கடந்த 2004 ஆம் ஆண்டு இவர் திருமணம் செய்து கொண்ட நிலையில் அதன் பிறகு ஆஸ்திரேலியாவில் செட்டில் ஆகிவிட்டார். இவருக்கு ஒரு மகன் மற்றும் மகள் உள்ளனர். தற்போது இவர் ஒட்டுமொத்தமாக சினிமாவில் இருந்து விலகி இருக்கும் நிலையில் இவர் தனது குடும்பத்தினருடன் இருக்கும் புகைப்படங்கள் இணையத்தில் வைரல் ஆகி வருகிறது.