கணவனை இழந்த பள்ளித்தோழி..! “என்னை கல்யாணம் பண்ணிக்கோ” கட்டாயப்படுத்திய நண்பன்… மறுத்ததால் கத்தியால் குத்தி கொன்ற கொடூரம்…!!

கர்நாடக மாநிலம் எல்லாப்பூர் நகரில், திருமணத்திற்கு மறுப்பு தெரிவித்த 30 வயதுப் பெண், தனது பால்ய கால நண்பரால் கத்தியால் குத்திக் கொல்லப்பட்ட சம்பவம் பெரும் பரபரப்பை ஏற்படுத்தியுள்ளது. ரஞ்சிதாவிற்கும் ரபீக்கிற்கும் பள்ளிப் பருவத்திலிருந்தே நட்பு இருந்துள்ளது. ரஞ்சிதாவிற்கு திருமணமாகி 10 வயதில் ஒரு மகன் உள்ள நிலையில், கடந்த சில ஆண்டுகளாகக் கணவரைப் பிரிந்து தனது பெற்றோருடன் வசித்து வந்துள்ளார். அரசுப் பள்ளியில் மதிய உணவு உதவியாளராகப் பணியாற்றி வந்த ரஞ்சிதாவை, ரபீக் அடிக்கடி சந்தித்து வந்ததோடு, தன்னைத் திருமணம் செய்துகொள்ளுமாறு வற்புறுத்தி வந்துள்ளார். இதற்கு ரஞ்சிதாவும் அவரது குடும்பத்தினரும் கடும் எதிர்ப்பு தெரிவித்துள்ளனர்.