“மன்னிக்கவும் அப்பா” தாயின் பிறந்தநாள் கொண்டாடிய சில மணி நேரங்களிலேயே… பெற்றோருக்கு காத்திருந்த அதிர்ச்சி..!!

லக்னோவில் 19 வயது பிபிஏ மாணவர் ஒருவர் தனது தாயின் பிறந்தநாளைக் கொண்டாடிய சில மணி நேரங்களிலேயே தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. லக்னோவை சேர்ந்த  வாசுதேவ் மாலிக், ஒரு தனியார் பல்கலைக்கழகத்தில் படித்து வந்தார், நீண்ட காலமாக மன அழுத்தத்தால் பாதிக்கப்பட்டிருந்ததாக கூறப்படுகிறது. இந்நிலையில் கடந்த ஞாயிற்றுக்கிழமை, வாசுதேவ் தனது தாயார் தீப்திக்கு பிறந்தநாள் கேக் வெட்டி தனது குடும்பத்தினருடன் கொண்டாடினார். பிறகு மறுநாள் திங்கட்கிழமை, வீட்டில் தனியாக இருந்தபோது, ​​அவர் மின்விசிறியில் தூக்குப்போட்டு தற்கொலை செய்து கொண்டுள்ளார்.

மேலும் சம்பவ இடத்தில் இருந்து ஒரு தற்கொலைக் கடிதம் மீட்கப்பட்டது, அதில் அவர் “மன்னிக்கவும் அப்பா” என்று எழுதியுள்ளார். தனது மகன் இறப்பு குறித்து வாசுதேவ் தந்தை கூறுகையில், ” சிறிது காலத்திற்கு முன்பு அறுவை சிகிச்சை செய்து கொண்டதாகவும், கொஞ்ச நாட்களாகவே யாரிடமும் அவர் பேசுவது கிடையாது என்றும், அவர் இப்படி ஒரு நடவடிக்கை எடுப்பார் என்று யாருக்கும் சிறிதும் தெரியாது என்றும் கூறியுள்ளார். பின்னர்  பிரேத பரிசோதனைக்குப் பிறகு வாசுதேவின் உடல் குடும்பத்தினரிடம் ஒப்படைக்கப்பட்டுள்ளது.