அப்பளம் போல் நொறுங்கிய பேருந்து!.. மணக்கோலம் கலைவதற்குள் நேர்ந்த துயரம்… மணமகனின் தந்தை உட்பட 6 பேர் துடிதுடிக்கப் பலி.. ரத்த வெள்ளத்தில் ஹாபூர் சாலை…!!!

உத்தரப் பிரதேச மாநிலம் ஹாபுரில் திருமணக் கோஷ்டியினர் பயணித்த பேருந்து, லாரி மீது நேருக்கு நேர் மோதி விபத்துக்குள்ளானதில் ஆறு பேர் பரிதாபமாக உயிரிழந்தனர். திருமண விழா முடிந்து சொந்த ஊர் திரும்பிக் கொண்டிருந்த அந்தப் பேருந்து, எதிர்பாராத விதமாக எதிரே வந்த லாரியுடன் பலமாக மோதியது. இந்த கோர விபத்தில் பேருந்தின் முன்பகுதி அப்பளம் போல் நொறுங்கியதுடன், வாகனம் தலைகீழாகக் கவிழ்ந்து விபத்துக்குள்ளானது.

இந்த விபத்தில் மணமகனின் தந்தை மற்றும் பேருந்து ஓட்டுநர் உள்ளிட்ட ஆறு பேர் சம்பவ இடத்திலேயே உயிரிழந்தது சோகத்தை ஏற்படுத்தியுள்ளது. மேலும் பலர் படுகாயமடைந்த நிலையில், உள்ளூர் மக்களின் உதவியுடன் காவல்துறையினர் அவர்களை மீட்டு மருத்துவமனையில் அனுமதித்துள்ளனர். காயமடைந்தவர்களில் பலரது நிலைமை மிகவும் கவலைக்கிடமாக இருப்பதாகத் தெரிவித்த காவல்துறையினர், அவர்களுக்கு உயர்தர சிகிச்சை அளிக்க உரிய ஏற்பாடுகள் செய்யப்பட்டுள்ளதாகத் தெரிவித்துள்ளனர்.