“டீச்சர் மேலேயிருந்து கல் விழுது” முன்பே குழந்தைகள் எச்சரித்தும் அலட்சியமாக இருந்த ஆசிரியர்கள்… பள்ளி கட்டிடம் இடிந்து விழுந்த விபத்தில் அதிர்ச்சியூட்டும் தகவல்..!!

ராஜஸ்தான் மாநிலம் ஜலாவர் மாவட்டத்திலுள்ள  அரசு பள்ளி  கூரை இடிந்து விழுந்ததில் ஏழு குழந்தைகள் பலியானார்கள். மேலும் பலரும் படுகாயம் அடைந்தார்கள் . காலை பிராத்தனைக்காக மாணவர்கள் கூடியிருந்த நிலையில் இந்த சம்பவம் ஏற்பட்டுள்ளது. கிராமவாசிகளின் உதவியோடு இடிபாடுகளில் சிக்கி இருந்த குழந்தைகள் மீட்கப்பட்டார்கள். இந்த சம்பவத்தில் அலட்சியமாக இருந்த ஐந்து ஆசிரியர்கள் மற்றும் ஒரு கல்வித்துறை அதிகாரி இடைநீக்கம் செய்யப்பட்டார் . இந்த பாலடைந்த கட்டடம் குறித்து ஏற்கனவே பல எச்சரிக்கை விடுக்கப்பட்டதாக கூறப்படுகிறது. இந்தப் பள்ளியின் கட்டிடம்  78 ஆண்டுகள் பழமையானது.

முன்னதாக கூரையிலிருந்து கூழாங்கற்கள் விழத் தொடங்கியதாக மாணவி வர்ஷா ஆசிரியர்களிடம் கூறியுள்ளார். ஆனால் ஆசிரியர் அவர்களை திட்டி உட்கார சொல்லி இருக்கிறார். அதன் பிறகு கட்டிடம் இடிந்து விழுந்து குழந்தைகள் அதில் புதைந்துள்ளார்கள் .விபத்து நடந்த நேரத்தில் ஆசிரியர்கள் அருகில் காலை உணவை சாப்பிட்டுக் கொண்டிருந்தார்கள். பள்ளி நிலைமை குறித்து பலமுறை புகார் அளித்தும் எந்த விசாரணையும் நடக்கவில்லை என்று குழந்தைகளின்  குடும்பத்தினரும் கிராம மக்களும் தெரிவித்துள்ளார்கள். இதனையடுத்து  இறந்த குழந்தைகளின் குடும்பத்திற்கு 10 லட்சம் ரூபாய் நிதி உதவி வழங்கப்படும் என்றும், குடும்பத்தில் ஒருவருக்கு ஒப்பந்த வேலை வழங்கப்படும் என்றும் அரசாங்கம்  தெரிவிக்கப்பட்டுள்ளது.