“இதற்கு மேல் எனக்கு என்ன வேண்டும்?” ஒரு காலத்துல சாப்பாட்டுக்கே கஷ்டப்பட்டோம்.. முதல்வர் மகனைப் பார்த்து கண் கலங்கிய தந்தை எஸ்.ஏ.சி..!!

“இதற்கு மேல் நான் என்ன கேட்க முடியும்? என் மகன் என் கனவை நனவாக்கியுள்ளான். அவன் 1974-ல் பிறந்தபோது, உணவிற்கே நான் கஷ்டப்பட்டுக் கொண்டிருந்த காலம் அது. அதைப் பற்றி அவன் தனது உரையில் குறிப்பிட்டிருந்தான்” என்று தமிழக முதல்வர் விஜய்யின் தந்தை எஸ்.ஏ. சந்திரசேகர் மிகுந்த நெகிழ்ச்சியுடன் தெரிவித்துள்ளார். தனது மகனின் அரசியல் வெற்றி மற்றும் முதலமைச்சர் பதவியேற்பு குறித்துப் பேசிய அவர், ஆரம்பகால போராட்டங்களையும் தற்போதைய உயரத்தையும் ஒப்பிட்டுப் பெருமிதம் கொண்டார்.

விஜய்யின் பதவியேற்பு விழாவில் கலந்துகொண்ட எஸ்.ஏ.சி, ஒரு தந்தையாகத் தனது மகன் அடைந்துள்ள இந்த உன்னத நிலையை எண்ணி உணர்ச்சிவசப்பட்டார். தனது மகன் கடந்து வந்த கடினமான பாதையை உலகிற்குச் சொன்னது தனக்கு மகிழ்ச்சி அளிப்பதாகக் குறிப்பிட்ட அவர், தமிழக மக்களுக்கு விஜய் நல்லாட்சி வழங்குவார் என்ற நம்பிக்கையையும் வெளிப்படுத்தினார். திரையுலகில் சூப்பர் ஸ்டாராக ஜொலித்த தனது மகன், இன்று மாநிலத்தின் முதலமைச்சராகப் பொறுப்பேற்றிருப்பது தனது வாழ்நாள் சாதனை என அவர் நெகிழ்ந்து கூறினார்.