அடேய் மேடத்தை மாசம் ஒருமுறை கவனியுங்க… தவெக பெண் எம்.எல்.ஏ கணவரின் மாமூல் வசூல் குற்றச்சாட்டு… அரசியலில் பெரும் அதிர்ச்சி…!

தென்மாவட்டங்களில் ஒன்றில் வெற்றி பெற்றுள்ள பெண் எம்.எல்.ஏ ஒருவரின் கணவர் மீது, அதிகாரிகளிடமும் தொழிலதிபர்களிடமும் மாதாந்திர “வசூல் வேட்டையில்” ஈடுபட்டு வருவதாகப் பரவலாகக் குற்றச்சாட்டுகள் எழுந்துள்ளன . “மேடத்தைக் கவனிக்க வேண்டும்” என்ற பெயரில் உள்ளூர் வளர்ச்சித் திட்டங்கள் மற்றும் வணிக நிறுவனங்களிடம் லஞ்சம் கேட்டு மிரட்டல்கள் விடுக்கப்படுவதாகப் புகார்கள் பதிவாகியுள்ளன.

தொகுதி சார்ந்த அரசு திட்டங்கள், கட்டட அனுமதி மற்றும் உள்ளாட்சிப் பணிகள் தொடர்பான அதிகாரிகளைத் தொலைபேசியிலும் நேரிலும் தொடர்பு கொண்டு குறிப்பிட்ட தொகையைத் தவறாமல் வழங்கும்படி அவர் அழுத்தம் கொடுத்து வருவதாகக் கூறப்படுகிறது. அவ்வாறு கோரிக்கைகளுக்கு உடன்பட மறுக்கும் அதிகாரிகளை உடனடியாக இடமாற்றம் செய்து விடுவதாக மிரட்டல் விடுக்கப்படுவதாகவும் தகவல்கள் வெளியாகியுள்ளன

மக்களிடையே நற்பெயரைப் பெறக் கட்சித் தலைமை முயன்று வரும் சூழலில், மக்கள் பிரதிநிதியின் குடும்பத்தினர் இதுபோன்ற செயல்களில் ஈடுபடுவது கட்சிக்குத் பெரும் பின்னடைவை ஏற்படுத்தும் என்று தொட்டர்கள் கவலை அடைந்துள்ளனர். இந்த விவகாரம் தொடர்பான புகார்கள் மற்றும் ஆதாரங்கள் கட்சி மேலிடத்திற்கு அனுப்பப்பட்டுள்ள நிலையில், இது குறித்து முறையான விசாரணை நடத்தி நடவடிக்கை எடுக்கப்படுமா என்ற எதிர்பார்ப்பு அரசியல் வட்டாரத்தில் எழுந்துள்ளது