“சண்முகம் வுட்றா வண்டிய கமலாலயத்துக்கு”…. தமிழக பாஜக தலைவராகிறாரா ‘நாட்டாமை’ சரத்குமார்?…. மோடியின் அடுத்த மாஸ்டர் பிளான்…. டெல்லி கொடுக்கும் சர்ப்ரைஸ் கிஃப்ட்….!

தமிழக பாஜகவின் புதிய மாநிலத் தலைவராக நடிகர் ஆர். சரத்குமாரின் பெயர் தீவிர பரிசீலனையில் இருப்பதாகக் கமலாலய வட்டாரங்கள் தெரிவிக்கின்றன. கடந்த சட்டமன்றத் தேர்தலில் எதிர்பார்த்த வெற்றியைப் பெறாததைத் தொடர்ந்து, கட்சியை அடிமட்டத்திலிருந்து வலுப்படுத்தவும், 2029 நாடாளுமன்றத் தேர்தலைக் குறிவைத்தும் தேசியத் தலைமை அதிரடி மாற்றங்களுக்குத் திட்டமிட்டுள்ளது. அதன் ஒரு பகுதியாகவே, மாநிலத் தலைவர் பொறுப்பை நீண்ட அரசியல் அனுபவமும் மக்கள் அறிமுகமும் கொண்ட சரத்குமாரிடம் ஒப்படைக்கலாமா என்பது குறித்து பிரதமர் நரேந்திர மோடி மற்றும் உள்துறை அமைச்சர் அமித்ஷா ஆகியோர் ஆலோசித்து வருவதாகத் தகவல்கள் வெளியாகியுள்ளன.

சமத்துவ மக்கள் கட்சியை பாஜகவில் இணைத்த சரத்குமாருக்கு இதுவரை கட்சியில் பெரிய அளவில் பொறுப்புகள் வழங்கப்படாத நிலையில், தற்போது அவருக்கு மாநிலத் தலைவர் பதவி வழங்கப்படலாம் என்ற பேச்சு பலமாக அடிபடுகிறது. திரைத்துறையைச் சார்ந்தவர் என்பதும், தமிழகம் முழுவதும் பரவலான பரிச்சயம் உள்ளவர் என்பதும் இப்போதைய சூழலில் கட்சிக்குப் பலமாக அமையும் என்று தேசியத் தலைமை கருதுவதாகச் சொல்லப்படுகிறது. மேலும், அரசியல் வட்டாரங்களில் நிலவும் பல்வேறு சமன்பாடுகளைக் கருத்தில் கொண்டு இந்த முடிவு எடுக்கப்படலாம் எனவும் கூறப்படுகிறது.

இந்த திடீர் திருப்பத்தால் கமலாலயத்தில் பல ஆண்டுகளாகத் பதவிக்காகக் லாபி செய்து வந்த சில முக்கியப் பிரமுகர்கள் அதிர்ச்சியடைந்துள்ளதாகத் தெரிகிறது. எல்.முருகன் மற்றும் நயினார் நாகேந்திரன் போன்றோரின் மாற்றத்தைத் தொடர்ந்து, தற்போது சரத்குமாரின் பெயர் அடிபடுவது தமிழக பாஜக அரசியலில் பெரும் எதிர்பார்ப்பை ஏற்படுத்தியுள்ளது. தற்போதைய அரசியல் சூழலுக்கு ஏற்ப கட்சியைச் சமைக்கத் தயாராகி வரும் டெல்லி மேலிடம், இதுகுறித்த அதிகாரப்பூர்வ அறிவிப்பை விரைவில் வெளியிடக்கூடும் என எதிர்பார்க்கப்படுகிறது.