கடைசி ஓவரில் துவம்சம்…!! 19.5 பந்தில் சிவம் துபே காட்டிய மாஸ் சிக்னல்… மிரண்டு போன இந்திய அணி…!

டி20 உலகக் கோப்பை இறுதிப் போட்டியின் கடைசி ஓவரில் சிவம் துபே காட்டிய அதிரடி ஆட்டமும், அவரது தன்னம்பிக்கையும் ஒட்டுமொத்த இந்திய அணியையும் வியப்பில் ஆழ்த்தியது. ஜேம்ஸ் நீஷம் வீசிய அந்த ஓவரில், தொடர்ச்சியாக பவுண்டரிகளையும் சிக்ஸர்களையும் விளாசி 24 ரன்களைக் குவித்தார். குறிப்பாக, ஐந்தாவது பந்தில் ரன் எடுக்க ஓடி வந்த திலக் வர்மாவை, தானே பேட்டிங் செய்யப் போவதாகக் கூறித் தடுத்த அவரது ‘சிக்னல்’ இந்திய அணியின் வெற்றிக்கான தீவிரத்தை வெளிப்படுத்தியது. இறுதிப் பந்திலும் பவுண்டரி அடித்து, நியூசிலாந்து பந்துவீச்சை சிதறடித்தார்.

இந்த உலகக் கோப்பை தொடர் முழுவதுமே சிவம் துபே அபாரமான ஆட்டத்தை வெளிப்படுத்தியுள்ளார். மொத்தம் 8 இன்னிங்ஸ்களில் 235 ரன்களைச் சேர்த்துள்ளதோடு, முக்கியக் கட்டங்களில் 5 விக்கெட்டுகளையும் வீழ்த்தி ஆல்-ரவுண்டராகக் கலக்கியுள்ளார். பேட்டிங்கில் களமிறங்கினால் பந்துகளை மைதானத்திற்கு வெளியே பறக்கவிடுவதையே தனது லட்சியமாகக் கொண்டுள்ள துபேவின் வளர்ச்சி, இந்திய ரசிகர்களிடையே பெரும் நம்பிக்கையை ஏற்படுத்தியுள்ளது. ஐபிஎல் தொடரிலும் இதே ஃபார்மை அவர் தொடர்ந்தால், சென்னை சூப்பர் கிங்ஸ் அணிக்கு அது மிகப்பெரிய பலமாக அமையும் என்பதில் மாற்றுக் கருத்து இல்லை.