திடீர் பரபரப்பு..! பாஜகவில் அவருக்கு இருந்த வேதனை… அண்ணாமலை விலகல் குறித்து செங்கோட்டையன் போட்ட புது குண்டு..!!

கோவை செய்தியாளர்கள் சந்திப்பில் பேசிய செங்கோட்டையன், பா.ஜ.கவிலிருந்து அண்ணாமலை விலகியது அவருக்கு ஏற்பட்ட வேதனையின் காரணமாக இருக்கலாம் என்றும், அவர் புதிய கட்சி தொடங்கியது அவரது ஜனநாயக உரிமை என்றும் குறிப்பிட்டார். பா.ஜ.கவிற்குள் அவருக்கு என்ன வேதனை இருந்தது என்பது அண்ணாமலைக்கே வெளிச்சம் என்று கூறிய அவர், இனி நடப்பதை பொறுத்திருந்து பார்ப்போம் என்றார். மேலும், தமிழகத்தில் சட்டம், ஒழுங்கு சிறப்பாக உள்ளதாகவும், போதைப்பொருள் நடமாட்டம் தீவிரமாக தடுக்கப்பட்டு வருவதாகவும் குறிப்பிட்ட அவர், எவ்வித தலையீடுமின்றி அடுத்த 6 மாத காலத்திற்கு அரசு தன்னிச்சையாக செயல்பட வேண்டும் என்றும் கேட்டுக்கொண்டார்.

தொடர்ந்து பேசிய அவர், மேகதாதுவில் அணை கட்ட தமிழக அரசு ஒருபோதும் அனுமதிக்காது என்றும், அதைத் தடுப்பதற்கான பணிகளை முதலமைச்சர் மேற்கொள்வார் என்றும் உறுதியளித்தார். மேலும், தமிழகத்தில் வரவிருக்கும் பருவமழையை எதிர்கொள்ள தேவையான அனைத்து முன்னெச்சரிக்கை நடவடிக்கைகளுடன் அரசு தயாராக இருப்பதாகவும், இதுகுறித்து அனைத்து மாவட்ட ஆட்சியர்களுக்கும் உரிய அறிவுறுத்தல்கள் வழங்கப்பட்டுள்ளதாகவும் தெரிவித்தார். பருவமழை மேலாண்மையில் ஏதேனும் தவறுகள் சுட்டிக்காட்டப்பட்டால், அதன் மீது உடனடியாக உரிய நடவடிக்கை எடுக்கப்படும் என்றும் அவர் உறுதியளித்தார்.