படையப்பா 2 குறித்த முக்கிய அறிவிப்பை வெளியிட்ட நடிகர் ரஜினிகாந்த் – அவரோட பிறந்த நாள் கொண்டற நேரத்துல இப்படி ஒரு சூப்பர் அப்டேட் கொடுத்துட்டாரே…?

நடிகர் ரஜினிகாந்த் வருகிற 12ம் தேதி தனது 75வது பிறந்த நாளை கொண்டாடுகிறார். அவரது பிறந்த நாளை முன்னிட்டு வருகிற 12ம் தேதி அவர் நடித்த படையப்பா படம் ரீ ரிலீஸ் செய்யப்படுகிறது. இந்நிலையில் தனியார் தொலைக்காட்சியில் நேர்காணல் ஒன்றில் பங்கேற்ற நடிகர் ரஜினிகாந்த் கூறியதாவது, படையப்பா முதல் பாகத்திலேயே நீலாம்பரி கேரக்டருக்கு ரசிகர்கள் மத்தியில் மிகப்பெரிய வரவேற்பு கிடைத்தது.

இப்போது எல்லா படங்களுமே 2.0 என 2ம் பாகமாக எடுக்கிறார்கள். அதேபோல் ஏன் படையப்பா 2 எடுக்கக் கூடாது என்று எனக்குத் தோன்றியது. நீலாம்பரி என்ற டைட்டிலில் படையப்பா 2 படத்தை எடுக்க கதையை திட்டமிட்டு வருகிறோம். எல்லாம் சரியாக அமைந்தால் நிச்சயமாக படையப்பா படத்தின் 2ம் பாகமாக நீலாம்பரி படம் வரும். அது ரசிகர்களுக்கு மிகப் பெரிய விருந்தாக அமையும் என்று ரஜினிகாந்த் அந்த நேர்காணலில் கூறியிருக்கிறார்.