32 நாளில் வெறும் 96 ஆயிரம் ரூபாயில் எடுக்கப்பட்டு 18 லட்சம் வசூல் செய்த படம்.. அந்த காலத்திலேயே சம்பவம் செய்த பாரதிராஜா..!

16 வயதினிலே திரைப்படம் மூலமாக தமிழ் சினிமாவிற்கு அறிமுகமானவர்தான் பாரதிராஜா. இவர் பெரும்பாலும் புதுமுக ஹீரோக்களை வைத்து படத்தை எடுப்பார். அப்படி பல நடிகைகளையும் இவர் சினிமாவில் அறிமுகம் செய்து வைத்துள்ளார். இவரால் அறிமுகம் செய்தவர்கள் பலர் இன்று முன்னணி நடிகர்களாகவும் நடிகைகளாகவும் மாறி உள்ளனர். அதனைப் போலவே சினிமாவிலும் திறமையான கலைஞர்களாகவும் வளர்ந்து நிற்கிறார்கள். இவருடைய காலத்தில் தற்போது இருக்கின்ற மாதிரி பெரிய பெரிய பட்ஜெட்டில் எல்லாம் படங்கள் எடுக்கப்படவில்லை. குறுகிய பட்ஜெட்டில் நல்ல கதைகளும் கொண்ட படங்களாகவே வெளிவந்து அந்த படங்களும் மாபெரும் வெற்றி அடைந்து பட்ஜெட்டை விட அதிகமான வசூலை தயாரிப்பாளர்களுக்கு ஈட்டி தந்துள்ளது.

இன்றைய சூழலில் ஒரு நடிகருக்கோ அல்லது நடிகை கோலி கணக்கில் பணத்தை செலவிட வேண்டி உள்ளது. ஆனால் பாரதிராஜா, பாலச்சந்தர் மற்றும் பாக்கியராஜ் இவர்களின் காலத்தில் சில லட்சங்களில் படத்தை முடித்து அந்த படத்தையும் வெற்றி படங்களாக்கி உள்ளனர். அதன்படி ஒரு லட்சத்திற்கும் குறைவான பட்ஜெட்டில் ஒரு படத்தை எடுத்து அந்த படத்தை மாபெரும் வெற்றி ஆக்கியுள்ளார் பாரதிராஜா. அந்தத் திரைப்படம் தான் புதிய வார்ப்புகள்.

முதலில் இந்த படத்தில் புதுமுக நாயகன் நாயகியே நடிக்க வைக்க பாரதிராஜா திட்டமிட்டு இருந்த நிலையில் நடிகர்கள் கிடைக்கவில்லை. இதன் காரணமாக தன்னிடம் உதவி இயக்குனராக பணியாற்றிக் கொண்டிருந்த பாக்கியராஜ் இந்த படத்தில் நாயகனாக போடலாம் என்ற எண்ணம் பாரதிராஜாவுக்கு வந்தது. அதன் பிறகு பாக்கியராஜ் நடித்து அவருக்கு ஜோடியாக ரதி நடிக்க உருவான திரைப்படம் தான் புதிய வார்ப்புகள். இந்த படத்திற்காக இளையராஜா புதுப்புது புத்திகளை யோசித்து சிறப்பாக இசையமைத்திருந்தார்.

இப்படியான நிலையில் புதிய வார்ப்புகள் படத்திற்கான மொத்த பட்ஜெட் எவ்வளவு அதை எப்படி திட்டமிட்டு எடுத்தார்கள் என்பது குறித்த தகவல் வெளியாகி உள்ளது. இந்த படத்தின் மொத்த படப்பிடிப்பு 32 நாட்கள் தான் நடந்ததாம். ஒரு நாளைக்கு 3000 ரூபாய் என்ற வீதத்தில் படப்பிடிப்பை நடத்தியுள்ளனர். அந்த வகையில் மொத்தமே 96 ஆயிரம் ரூபாய் செலவில் தான் மொத்த படப்பிடிப்பையும் எடுத்து முடித்துள்ளனர். இதைப் பற்றி சித்ரா லட்சுமணன் மேலும் கூறும்போது லட்சத்திற்கு குறைவான அளவில் படத்தை எடுத்து 18 லட்சம் வரை இந்த படம் வசூலை குவித்துள்ளதாக ஒரு பேட்டியில் கூறியுள்ளார்.