“எதிரியின் எதிரி நண்பனா?” முதலமைச்சர் விஜய்க்கு நன்றி.. ஆனா நெட்டிசன்ஸ் அதை பண்ணாதீங்க… தாய் மறைவுக்குப் பின் அஜித் சகோதரர் அனூப் குமார் போட்ட ஷாக் பதிவு..!!

நடிகர் அஜித்குமாரின் தாயார் சமீபத்தில் காலமானதைத் தொடர்ந்து, அவரது குடும்பத்தினர் பெரும் சோகத்தில் ஆழ்ந்துள்ளனர். இந்தத் துயரமான சூழ்நிலையில், அஜித்தின் சகோதரர் அனூப் குமார் தனது தாயார் குறித்து முதலில் ஒரு உருக்கமான பதிவை வெளியிட்டிருந்தார். அதனைத் தொடர்ந்து, தற்போது அவர் வெளியிட்டுள்ள மற்றொரு நீண்ட பதிவு சமூக வலைதளங்களில் பெரும் கவனம் பெற்றுள்ளது. இதில் தனது குடும்ப துயரம், அரசியல் ஆதரவாளர்கள், ஊடகங்கள் மற்றும் பொதுமக்களின் மனநிலை குறித்து அவர் வெளிப்படையாகப் பேசியுள்ளார்.

சமீபத்தில் அனூப் குமார் வெளியிட்டிருந்த ஒரு ‘ரீல்’ (Reel) வீடியோவை, ஒரு பிரபல தனியார் செய்தி நிறுவனம் அனுமதியின்றி தனது சமூக வலைதளப் பக்கத்தில் பகிர்ந்திருந்தது. இதற்கு அனூப் குமார் கடுமையான எதிர்ப்பு தெரிவித்ததைத் தொடர்ந்து அந்தப் பதிவு நீக்கப்பட்டது. இந்த விவகாரத்தில் அனூப் குமாருக்கு ஆதரவாகப் பலரும் குரல் கொடுத்தனர்; குறிப்பாக, தமிழக வெற்றிக் கழக (தவெக) ஆதரவாளர்கள் அவருக்குப் பெரியளவில் ஆதரவளித்தனர். இந்தச் சம்பவத்தை “எதிரியின் எதிரி நண்பன்” என்ற பழமொழியுடனும், ஹாலிவுட் திரைப்படமான ‘கிளாடியேட்டர்’ (Gladiator) படத்தின் “கூட்டம் எப்போதும் மாறக்கூடியது, சகோதரா” என்ற வசனத்துடனும் ஒப்பிட்டு, சமூக வலைதள ஆதரவும் எதிர்ப்பும் நிரந்தரமானவை அல்ல என்பதை அவர் சுட்டிக்காட்டியுள்ளார்.

இறுதியாக, தனது தாயாரின் மறைவுக்கு நேரில் வந்து ஆறுதல் கூறிய தமிழக முதலமைச்சர் விஜய்க்கும், ஆறுதல் செய்திகளை அனுப்பிய பிற அரசியல் கட்சித் தலைவர்களுக்கும் அனூப் குமார் தனது நெஞ்சார்ந்த நன்றியைத் தெரிவித்துக் கொண்டுள்ளார். அதே நேரத்தில், தான் எந்தவொரு அரசியல் தரப்பையும் பிரதிநிதித்துவப்படுத்தவில்லை என்றும், எதிர்காலத்திலும் தனது கருத்துக்களைச் சுதந்திரமாகப் பேசுவேன் என்றும் அவர் தெளிவுபடுத்தியுள்ளார். மேலும், “ஒரு சாதாரண மனிதனின் தனிப்பட்ட பதிவுகளில் அரசியலைக் கொண்டு வர வேண்டாம்” எனக் கேட்டுக்கொண்ட அவர், சமூக வலைதளங்களை விட்டுச் சிறிது நேரம் வெளியேறி தங்களுக்குப் பிடித்தமானவர்களைக் கட்டிப்பிடித்து அன்பைப் பகிர்ந்துகொள்ளுமாறு உருக்கமான வேண்டுகோள் ஒன்றையும் முன்வைத்துள்ளார்.