மத கஜ ராஜா வராதுன்னு நெனச்சா கடைசில அது வந்துடுச்சு… கலகலப்பு 3 தள்ளிப் போக இதுதான் காரணம்… உண்மையப் போட்டுடைச்ச ஜீவா!

தமிழ் சினிமாவில் கிட்டத்தட்ட 30 வருடங்களாக கமர்ஷியல் இயக்குனராக வலம் வருபவர் சுந்தர் சி. அவர் இயக்கிய உள்ளத்தை அள்ளித்தா, அருணாச்சலம், வின்னர், கிரி, கலகலப்பு என ஏராளமான படங்கள் கமர்ஷியலாக பெருவெற்றி பெற்றுள்ளன. முறைமாமன் என்ற திரைப்படத்தின் மூலம் அறிமுகமான சுந்தர் சி காமெடி, கிளாமர், ஆக்‌ஷன் என கலந்து கட்டி மசாலா படமாக எடுத்து முன்னணி இயக்குனர் ஆனார்.

சுந்தர் சி படத்துக்கு சென்றால் வாய்விட்டு சிரித்து ரசித்துவிட்டு வரலாம் என்பதே தமிழ் சினிமா ரசிகர்களின் எதிர்பார்ப்பாக இருக்கும். அதற்கேற்றார் போல சுந்தர் சி படங்கள் சுமாராக் இருந்தாலும் காமெடி கட்டாயம் ஹிட்டாகிவிடும். அதே போல சொன்ன பட்ஜெட்டில் சொன்ன தேதிக்குள் படத்தை எடுத்துக் கொடுத்துவிடுவார் என்ற நல்ல பெயரும் சுந்தர் சி க்கு உண்டு. அதே போல ஷூட்டிங்கில் எந்த பிரச்சனை வந்தாலும் அதை மாற்று யோசனை செய்து சமாளித்துவிடுவார் என்றும் அவரைப் பற்றி சொல்லப்படுவதுண்டு.

அவரது படங்கள் எப்போதுமே மினிமம் கியாரண்டி என்பதற்கு சமீபத்தில் ரிலீஸாகி சக்கைப் போடு போட்டுக் கொண்டிருக்கும் ‘மத கஜ ராஜா’ திரைப்படமே உதாரணம். இந்த படம் எடுக்கப்பட்டு கிட்டத்தட்ட 13 ஆண்டுகள் கழித்து ரிலீஸாகி யாருமே எதிர்பார்க்காத வகையில் மிகப்பெரிய வெற்றிப் படமாகியுள்ளது. பொங்கலுக்கு ரிலீஸான பல படங்களில் அதிகம் வசூல் செய்த படமாக உள்ளது.

இதற்கிடையில் சுந்தர் சி ‘கலகலப்பு 3’ படத்தை சமீபத்தில் உருவாக்கவுள்ளதாக தகவல் வெளியானது. ஆனால் அந்த படம் தற்போது தள்ளிவைக்கப்பட்டுள்ளது. அதற்கானக் காரணம் குறித்து ஜீவா தற்போது பேசியுள்ளார். அவர் அளித்த ஒரு நேர்காணலில் “மத கஜ ராஜா படத்தின் ஒரு சின்ன போர்ஷனை வைத்துதான் ‘கலகலப்பு 3’ படத்தின் கதையை உருவாக்கினார் சுந்தர் சி சார். ஆனால் அதற்குள் மத கஜ ராஜா வந்துவிட்டதால் இப்போது கலகலப்பு 3 கதை மாறிவிட்டது. அதனால் அடுத்த ஆண்டுக்கு தள்ளிவைத்துள்ளோம்” எனக் கூறியுள்ளார்.