BREAKING: தேமுதிக கூட்டணி… அதிகாரப்பூர்வமாக அறிவித்தார் பிரேமலதா… அரசியலில் பரபரப்பு டுவிஸ்ட்….!

தேமுதிகவின் கூட்டணிக் குறித்து பரவி வரும் வதந்திகளுக்கு முற்றுப்புள்ளி வைக்கும் வகையில், அக்கட்சியின் பொதுச்செயலாளர் பிரேமலதா விஜயகாந்த் அதிரடியான விளக்கத்தை அளித்துள்ளார். கோயம்பேட்டில் செய்தியாளர்களைச் சந்தித்த அவர், தேமுதிக இரண்டு முக்கிய கட்சிகளுடன் ரகசியமாக கூட்டணி பேச்சுவார்த்தை நடத்தி வருவதாகக் கூறப்படும் தகவல்களில் எவ்வித உண்மையும் இல்லை எனத் திட்டவட்டமாக மறுத்துள்ளார். குறிப்பாக, அமைச்சர் எ.வ.வேலு, அதிமுக பொதுச்செயலாளர் எடப்பாடி பழனிசாமி மற்றும் பாஜகவின் நயினார் நாகேந்திரன் ஆகியோர் தேமுதிகவுடன் பேச்சுவார்த்தை நடத்தவில்லை என்று தெரிவித்ததையே தானும் வழிமொழிவதாகக் குறிப்பிட்டு, தேவையற்ற யூகங்களுக்கு இடமளிக்க வேண்டாம் எனக் கேட்டுக்கொண்டார்.

கூட்டணி குறித்து கட்சியின் நிலைப்பாட்டைத் தெளிவுபடுத்திய பிரேமலதா, தேமுதிகவின் தொண்டர்கள் மற்றும் நிர்வாகிகள் எந்த அணியில் இணைய வேண்டும் என்று விரும்புகிறார்களோ, அந்த அணியிலேயே கட்சி இடம்பெறும் என்று உறுதியளித்தார். தற்போதைய சூழலில் முறையான ஆலோசனைகள் நடைபெற்று வருவதாகவும், உரிய நேரத்தில் அதிகாரப்பூர்வமான அறிவிப்பு வெளியிடப்படும் என்றும் அவர் தெரிவித்தார். தொண்டர்களின் உணர்வுகளுக்கு மதிப்பளித்து, கட்சியின் எதிர்கால நலனைக் கருத்தில் கொண்டே இறுதி முடிவு எடுக்கப்படும் என்ற அவரது பேச்சு, தேமுதிகவின் அடுத்தகட்ட அரசியல் நகர்வு குறித்த எதிர்பார்ப்பை அரசியல் வட்டாரத்தில் அதிகரித்துள்ளது.