“68 வயதில் உல்லாச ஆசை, நைட் ரூமுக்கு வா”…. போனில் வந்த அழைப்பை நம்பி சென்ற 25 வயது இளம்பெண்… அடுத்த நடந்த பயங்கர அதிர்ச்சி சம்பவம்…!

சென்னை புழல் அடுத்த சூரப்பட்டு பகுதியைச் சேர்ந்த 25 வயது இளம்பெண் ஒருவருக்கு நேர்ந்த துயரமும், அதனைத் தொடர்ந்து நடந்த அதிர்ச்சிகரமான கைது நடவடிக்கையும் அப்பகுதியில் பெரும் பரபரப்பை ஏற்படுத்தியுள்ளது. கடந்த இரண்டு ஆண்டுகளுக்கு முன்பு மகேஷ் கண்ணா என்பவரை திருமணம் செய்த அந்தப் பெண், கருத்து வேறுபாடு காரணமாக கணவரைப் பிரிந்து தனது தாய் வீட்டில் வசித்து வந்துள்ளார். இந்த நிலையில், பிரிந்து சென்ற கணவர் தொடர்ந்து தொல்லை கொடுத்து வந்ததால், பாதுகாப்பு கோரி பட்டாபிராம் காவல் நிலையத்தில் அந்தப் பெண் புகார் அளித்தார். இதன் அடிப்படையில் போலீசார் மகேஷ் கண்ணா மீது பெண் வன்கொடுமை தடுப்புச் சட்டத்தின் கீழ் வழக்குப் பதிவு செய்து விசாரணை நடத்தி வந்தனர்.

கணவர் மீதான சட்டப்பூர்வ நடவடிக்கை ஒருபுறம் இருக்க, கடந்த 10-ஆம் தேதி அந்த இளம்பெண்ணுக்கு ஒரு மர்ம தொலைபேசி அழைப்பு வந்துள்ளது. அதில் பேசிய நபர், தான் மகேஷ் கண்ணாவின் வழக்கறிஞர் என்றும், உங்கள் குடும்பப் பிரச்சினையை சுமுகமாக தீர்த்து வைப்பதாகவும் கூறி அந்தப் பெண்ணை பெரம்பூரில் உள்ள ஒரு ஹோட்டலுக்கு வருமாறு அழைத்துள்ளார். தனது வாழ்க்கை மீண்டும் சீராகும் என்ற நம்பிக்கையில், அந்தப் பெண்ணும் பேச்சுவார்த்தைக்காக அந்த நபர் குறிப்பிட்ட இடத்திற்குச் சென்றுள்ளார். ஆனால், அங்கு சென்ற பிறகுதான் அவருக்கு காத்திருந்த அதிர்ச்சி காத்திருந்தது.

பேச்சுவார்த்தைக்கு அழைத்த அந்த 68 வயது முதியவர், குடும்பப் பிரச்சினையைத் தீர்ப்பதாகக் கூறிவிட்டு, அந்தப் பெண்ணிடம் ஆபாசமாகப் பேசியதுடன், இரவு ஹோட்டல் அறைக்கு வருமாறு கட்டாயப்படுத்தி அத்துமீறலில் ஈடுபட்டுள்ளார். இதனால் அதிர்ச்சியடைந்த அந்தப் பெண் கூச்சலிடவே, அக்கம் பக்கத்தினர் ஓடி வந்து அந்த முதியவரை மடக்கிப் பிடித்து செம்பியம் காவல் நிலையத்தில் ஒப்படைத்தனர். ஆபத்தான சூழலில் இருந்து அந்த இளம்பெண் துணிச்சலாக செயல்பட்டு தன்னை தற்காத்துக் கொண்டது குறிப்பிடத்தக்கது.

போலீசார் நடத்திய தீவிர விசாரணையில், பிடிபட்ட நபர் வியாசர்பாடி எம்.கே.பி நகரைச் சேர்ந்த ஞானப்பிரகாஷ் என்பதும், அவர் சென்னை உயர் நீதிமன்றத்தில் டபேதாராகப் பணியாற்றி ஓய்வு பெற்றவர் என்பதும் அம்பலமானது. ஒரு பெண்ணின் குடும்பச் சிக்கலைத் தனக்குச் சாதகமாகப் பயன்படுத்திக் கொண்டு, அவரைப் பாலியல் ரீதியாகத் துன்புறுத்த முயன்றது உறுதியானதைத் தொடர்ந்து, ஞானப்பிரகாஷ் மீது வழக்குப் பதிவு செய்த போலீசார் அவரை உடனடியாகக் கைது செய்து சிறையில் அடைத்தனர். பாதிக்கப்பட்ட பெண்ணின் புகாரால் தற்போது இந்த முதியவரின் முகத்திரை கிழிந்துள்ளது.