ரோடு ஷோவில் வாகனம் மோதியதில் பிரசாந்த் கிஷோருக்கு காயம்… பெரும் பரபரப்பு..!!

பி – பீகார்  மாநிலத்தில் இந்த வருடம் இறுதியில் சட்டப்பேரவை தேர்தல் நடைபெற உள்ளது. இந்த தேர்தலில் வெற்றி பெற வேண்டும் என்று அரசியல் கட்சிகள் தீவிரம் காட்டி வருகின்றன. அந்தவகையில் தேர்தல் வியூக நிபுணரும், ஜன் சுராஜ் கட்சி தலைவருமான பிரசாந்த் கிஷோர் முனைப்போடு செயல்பட்டு வருகிறார். சட்டசபை தேர்தலை எதிர்கொள்ளும் விதமாக மாநிலம் முழுவதும் பிரச்சாரம் மேற்கொண்டு வருகிறார்.

இந்த நிலையில் ஆரா மாவட்டத்தில் நேற்று ரோடு ஷோ நடைபெற்றது. அதில் பிரசாந்த் கிஷோர் பங்கேற்றார். அப்போது அவர் ஒரு கூட்டத்தின் வழியாக நடந்து சென்ற போது எதிர்பாராத விதமாக ஒரு வாகனம் மோதியது. அப்போது அவருக்கு விலா எலும்பில் காயம் ஏற்பட்டது . இதனையடுத்து பிரசாந்த் கிஷோர் மருத்துவமனைக்கு அழைத்து செல்லப்பட்டு தற்போது அவருடைய உடல்நிலை சீராக இருப்பதாக மருத்துவ வட்டாரங்கள் தெரிவித்துள்ளன.