“நல்லா இருங்க.. தீர விசாரிப்பதே மெய்”.. பிக் பாசிலிருந்து கமல் ஹாசனால் வெளியேற்றப்பட்ட பிரதீப் வெளியிட்ட சர்ச்சை பதிவு..

விஜய் தொலைக்காட்சியில் ஒளிபரப்பாகி வரும் பிக் பாஸ் நிகழ்க்கென்று பெரிய ரசிகர்கள் கூட்டமே உள்ளனர். இதில் கலந்துகொண்ட 18 போட்டியாளர்களில்  ரசிகர்களின் பெரும் ஆதரவை  பெற்ற போட்டியாளர்களில் ஒருவர் தான்  பிரதீப் ஆண்டனி. இந்த சீசன் துவங்கிய முதல் வாரத்தில் பிரதீப் ஆண்டனி பல விமர்சனங்களை சந்தித்தார். ஆனால் நிகழ்ச்சி செல்ல செல்ல அவருக்கு ஆதரவு கிடைத்தது. அவர் எதார்த்தமாக தான் இருக்கின்றார் என ரசிகர்கள் கூறி வந்தனர்.

இந்நிலையில் இந்த சீசனில் கலந்துகொண்ட 18 போட்டியாளர்களின் பிரதீப்பிற்கே அதிக ஆதரவு கிடைத்தது. ஒவ்வொருமுறை பிரதீப் நாமினேட் ஆன போது அவருக்கு அதிக வாக்குகளை செலுத்தி பிரதீப்பை ரசிகர்கள் காப்பாற்றி வந்தனர். பிரதீப் முதல் ஆளாக எலிமினேஷனில் இருந்து காப்பாற்றப்படுகின்றார் என கமல் அறிவிக்கும் போது அங்கு இருக்கும் ரசிகர்கள் கைதட்டி ஆரவாரம் செய்தனர். இதனை பார்த்த மற்ற போட்டியாளர்கள் பிரதீப்பிற்கு இவ்வளவு சப்போர்ட் இருக்கின்றதா? என அதிர்ச்சி அடைந்தனர்.

ஆனால் சில நாட்களாக பிரதீப் நடந்துகொள்ளும் விதம் ரசிகர்களுக்கு சற்று பிடிக்கவில்லை என்றே கூறலாம். எனினும் அவருக்கு தொடர்ந்து தங்களது ஆதரவையே கொடுத்து வந்தனர். இந்நிலையில் நேற்று முன்தினம்  எபிசோடில் பிரதீப் மற்ற ஹவுஸ்மேட்களால்  டார்கெட் செய்யப்பட்டு ‘பெண்கள் பாதுகாப்பு’ என்ற அடிப்படையில் ரெட் கார்டு கொடுத்து வெளியேற்றப்பட்டுள்ளார். இதனால் கோபமான அவரது ஆதரவாளர்கள் கமலஹாசனுக்கு எதிராக தங்களது கருத்துக்களை பதிவு செய்து வருகின்றனர்.

தற்பொழுது பிக் பாஸ் முன்னாள் போட்டியாளர்கள், பொதுமக்கள், அவருடைய ரசிகர்கள், பிரபலங்கள்  என பலரும் கமலஹாசனின் இந்த முடிவிற்கு எதிராக தங்களது  எதிர்ப்பை தொடர்ந்து இணையத்தில் பதிவு செய்து வருகின்றனர். இந்நிலையில் பிரதீப் முதல்முறையாக தனது ட்விட்டர் பக்கத்தில் தன்னுடைய எதிர்ப்பை சூசகமாக தெரிவித்துள்ளார்.

அதாவது இன்று பிறந்தநாள் காணும் உலகநாயகன் கமல்ஹாசனுக்கு தனது பிறந்தநாள் வாழ்த்துக்களை கூறிவிட்டு, பதிவு ஒன்றை வெளியிட்டுள்ளார். அந்த பதிவில் ‘ நான் உங்களுடைய பெரிய ரசிகன் கமல் சார். சத்தியமா சொல்றேன். உங்களுக்கு என்னுடைய 69 வது பிறந்தநாள் நல்வாழ்த்துக்கள். நல்லா இருங்க. தீர விசாரிப்பதே மெய்’ என்று குறிப்பிட்டுள்ளார். மேலும் அவர் நான் ஒரு முட்டாளுங்க என்ற பழைய பாடலின் வீடியோவையும் இதில் இணைத்துள்ளார். அவரின் இந்த பதிவானது இணையத்தில் படுவைரலாகி வருகிறது இதோ அந்த பதிவு…