ஒரே ஒரு முறை முதலீடு செய்தால் போதும்…! மாதாமாதம் வட்டி வரும்… நடுத்தர மக்களுக்கான அசத்தலான போஸ்ட் ஆபீஸ் சேமிப்பு திட்டம்…!!

தபால் நிலையத்தின் மாதாந்திர வருமானத் திட்டம், நடுத்தர மற்றும் ஏழை எளிய மக்களுக்கு ஒரு பாதுகாப்பான முதலீட்டு வாய்ப்பாக அமைந்துள்ளது. இத்திட்டத்தில் நீங்கள் ஒரே ஒரு முறை முதலீடு செய்தால் போதும், அடுத்த ஐந்து ஆண்டுகளுக்கு ஒவ்வொரு மாதமும் நிலையான வட்டித் தொகையை வருமானமாகப் பெறலாம். தற்போது ஆண்டுக்கு 7.4 சதவீத வட்டி வழங்கப்படுகிறது; தனிநபர் கணக்கில் 9 லட்சம் வரையிலும், கூட்டு கணக்கில் 15 லட்சம் வரையிலும் முதலீடு செய்ய அனுமதி உண்டு. குறைந்தபட்சம் 1,000 ரூபாயிலிருந்தே இத்திட்டத்தைத் தொடங்கலாம் என்பது இதன் சிறப்பம்சமாகும்.

உதாரணமாக, நீங்கள் 2 லட்சம் ரூபாயை இத்திட்டத்தில் டெபாசிட் செய்தால், மாதம் தோறும் 1,233 ரூபாய் வட்டியாக உங்கள் வங்கி கணக்கிற்கு வந்து சேரும். ஐந்து ஆண்டுகள் நிறைவடைந்ததும், நீங்கள் முதலீடு செய்த அசல் தொகை எவ்வித பிடித்தமுமின்றி அப்படியே திரும்பக் கிடைக்கும். இத்திட்டத்தில் சேர தபால் நிலையத்தில் ஒரு சேமிப்பு கணக்கு வைத்திருப்பது அவசியமாகும். அன்றாட வீட்டுச் செலவுகளைச் சமாளிக்க விரும்பும் முதியவர்களுக்கும் இல்லத்தரசிகளுக்கும் இத்திட்டம் ஒரு வரப்பிரசாதமாகத் திகழ்கிறது.