“அம்மா நீ செத்துடு, உன்னால தான் என் பொண்டாட்டிக்கு இந்த நிலைமை”… பெற்ற தாயையே அடித்துக் கொன்ற மகன்…. அதிர்ச்சி தரும் காரணம்..!

ஒடிசா மாநிலத்தில் மனைவி மீது கொண்ட அதீத பாசத்தால், பெற்ற தாயையே மகன் கொடூரமாகக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது. மயூர்பாஞ்ச் மாவட்டம் கோலராபூலியா கிராமத்தைச் சேர்ந்த தபன் சிங் (35) என்பவரது மனைவிக்கு அண்மையில் உடல்நலக்குறைவு ஏற்பட்டுள்ளது. பல்வேறு சிகிச்சைகள் அளித்தும் அவரது உடல்நிலையில் முன்னேற்றம் ஏற்படாததால், மனைவி மீது தீராத அன்பு கொண்ட தபன் சிங் மிகுந்த மனவேதனையில் இருந்துள்ளார்.

இந்நிலையில், தனது மனைவியின் நோய்க்குத் தனது தாய் ராய்மணி சிங் (55) செய்த மாந்திரீகமே காரணம் என்று தபன் சிங் தவறாக எண்ணியுள்ளார். தனது தாய் மாந்திரீகம் செய்ததால் தான் மனைவியின் உடல்நிலை சரியாகவில்லை என்ற குருட்டு நம்பிக்கையில், ஆத்திரமடைந்த தபன் சிங் தனது தாயை கொடூரமாகத் தாக்கி கொலை செய்துள்ளார். இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியது.

தகவலறிந்து சம்பவ இடத்திற்கு விரைந்து வந்த பெட்நோட்டி காவல்துறையினர், ராய்மணி சிங்கின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர். மேலும், தாயைக் கொலை செய்த தபன் சிங்கை உடனடியாகக் கைது செய்த போலீஸார், இது தொடர்பாக வழக்குப் பதிவு செய்து தீவிர விசாரணை மேற்கொண்டு வருகின்றனர். மூடநம்பிக்கையாலும், அதீத சந்தேகத்தாலும் பெற்ற தாயையே ஒருவன் கொன்ற நிகழ்வு அப்பகுதி மக்களிடையே பெரும் சோகத்தை ஏற்படுத்தியுள்ளது.