ஜெயிலர் படத்தில் தமன்னா போட்ட குத்தாட்டம் போல…. ஜெயிலர் 2 படத்தில் குத்தாட்டம் போடப் போவது இவரா? – அந்த 2 படங்களில் இவரை பார்த்திருக்கீங்களா?

நடிகை தமன்னா என்றாலே ஜெயிலர் படத்தில் காவலய்யா பாட்டுக்கு அவர் போட்ட குத்தாட்டம்தான் பெரும்பாலான ரசிகர்களுக்கு ஞாபகத்தில் வரும். அந்த அளவுக்கு அந்தப் பாடல் மூலம் மிகப்பெரிய அளவில் ரசிகர்களையும் மனங்களை அள்ளியெடுத்தவர் தமன்னா. அதேபோல் ஜெயிலர் 2 படத்திலும் ஒரு சூப்பர் குத்தாட்ட பாடல் காட்சியை ரசிகர்களுக்கு விருந்தாக தர படக்குழு தயாராகி விட்டது. ஜெயிலர் 2 படத்தில் நோரா பதேகி என்ற நடிகைதான் குத்தாட்டத்தில் நடனமாட இருக்கிறார். நடிகை நோரா பதேகி கனடாவை சேர்ந்தவர். பல இந்தி படங்களில் கவர்ச்சி பாடல்களுக்கு குத்தாட்டம் போட்டவர்.

தெலுங்கு மலையாளத்தில் பல படங்களில் அவர் நடனம் ஆடியிருக்கிறார். பாகுபலி படத்தில் வரும் மனோகரி பாடலுக்கு ஆடியவர்தான் நோரா பதேகி. கார்த்தி நாகார்ஜூனா நடித்த தோழா படத்திலும் டோர் நம்பர் என்ற பாடலுக்கு கவர்ச்சி நடனம் ஆடியிருக்கிறார். 33 வயதான இவர் ஜெயிலர் 2 படத்தில் ஐட்டம் பாடலுக்கு குத்தாட்டம் போடுவது உறுதியாகிவிட்டது. பாடல் காட்சியில் மட்டும் தான் வருகிறாரா அல்லது படத்திலும் நடித்திருக்கிறாரா என்பது சஸ்பென்ஸ் ஆக உள்ளது.