வ. உ. சிதம்பரம் பிள்ளையின் பிறந்தநாளை முன்னிட்டு மதுரை சிம்மக்கல்லில் உள்ள அவரது திருவுருவச் சிலைக்கு மாலை அணிவித்து மரியாதை செலுத்திய மின்சாரத்துறை அமைச்சர் சி.டி. நிர்மல்குமார், அதனைத் தொடர்ந்து செய்தியாளர்களைச் சந்தித்தார். அப்போது, கே.என். நேரு வீட்டில் நடைபெற்ற லஞ்ச ஒழிப்புத்துறை சோதனை குறித்து எழுப்பப்பட்ட கேள்விக்கு பதிலளித்த அவர், “இதில் எவ்வித பழிவாங்குதல் நடவடிக்கையும் கிடையாது; லஞ்ச ஒழிப்புத்துறையின் செயல்பாடுகளில் தலையிடும் உரிமை யாருக்கும் இல்லை. பெறப்பட்ட புகார்கள் மற்றும் ஆதாரங்களின் அடிப்படையிலேயே அவர்கள் வழக்குப்பதிவு செய்து நடவடிக்கை எடுக்கிறார்கள். எனவே, இதில் யாரும் யாரையும் பழிவாங்க வேண்டிய அவசியம் எழவில்லை” என்று தெளிவுபடுத்தினார்.
தமிழக அரசியலின் தற்போதைய சூழல் குறித்துப் பேசிய அமைச்சர், “திமுகவும் அதிமுகவும் இணைந்து செயல்படுவது இதன் மூலம் வெளிப்படையாகத் தெரிகிறது. வரவிருக்கும் தேர்தல்களில் அதிமுக, திமுக ஆகிய இரு கட்சிகளும் பாஜகவுடன் கூட்டணி அமைத்துப் போட்டியிட்டாலும், எங்களின் வெற்றியை யாராலும் தடுக்க முடியாது. வரும் தேர்தலில் வெற்றிபெற்று இந்த ஆட்சியைத் தக்கவைப்போம்; எத்தனை ஆண்டுகள் ஆனாலும் மக்கள் நலன் சார்ந்த இந்த ஆட்சியில் மாற்றம் இருக்காது. விஜய் மற்றும் ராகுல் காந்தி தொடர்பான பிரதமர் வேட்பாளர் கேள்விகளுக்கு இப்போது பதிலளிக்கத் தேவையில்லை, அதற்குரிய காலம் வரும்போது அனைத்தும் தெரியவரும்” என்றார்.
தூய்மைப் பணியாளர்களின் கோரிக்கைகள் மற்றும் மக்கள் பாதுகாப்பு குறித்துப் பேசியவர், “தமிழ்நாடு முழுவதும் உள்ள ஒப்பந்தத் தொழிலாளர்களின் நலனைக் கருத்தில் கொண்டு, ஒவ்வொரு துறை வாரியாகச் சிறந்த முடிவுகள் எடுக்கப்பட்டு வருகின்றன. ஏழை, எளிய மக்களுக்கான இந்த அரசு, மக்களுக்குத் தேவையானவற்றை அந்தந்த நேரத்தில் நிச்சயம் செய்யும். மாநிலத்தில் சாமானிய மக்களுக்கு முழுப் பாதுகாப்பு உள்ளது; ஊழல்வாதிகளுக்கு மட்டுமே சட்டப்பூர்வமான நெருக்கடிகள் உள்ளன” என்று கூறினார். சட்டமன்ற நடைமுறைகள் மற்றும் முதல்வரின் வெளிநாட்டுப் பயணம் குறித்து விளக்கியவர், மானியக் கோரிக்கை மற்றும் பதிலுரைகளின் நேர மேலாண்மை காரணமாகவே கேள்வி நேரம் தவிர்க்கப்பட்டதாகக் குறிப்பிட்டார்.
கோயில் விவகாரங்களில் அரசின் தலையீடு குறித்துப் பேசுகையில், “கோயில் நிர்வாகத்தில் முந்தைய அரசுகள் செய்த தவறுகளை நாங்கள் செய்ய மாட்டோம். அறங்காவலர் குழுக்களில் குறிப்பிட்ட கட்சியின் குடும்பத்தினரை மட்டுமே நியமிக்கும் பழக்கம் எங்களிடம் இல்லை. மன்னர்கள் கட்டிய கோயில்களில் பெயர் போடுவது போன்ற தேவையற்ற விவகாரங்களை பெரிதுபடுத்த வேண்டியதில்லை” என்று அமைச்சர் கூறினார். மேலும், பி.டி.ஆர். பழனிவேல் தியாகராஜன் தொடர்பான கேள்விகளுக்குப் பதிலளித்தவர், “சின்னச் சின்ன ஈகோ காரணமாகத் சொந்தக் குடும்பத்து அறக்கட்டளையையே செயல்பட விடாமல் தடுப்பது தேவையற்றது. சட்டப்பூர்வமாக என்ன உதவிகள் வேண்டுமோ அவற்றைச் செய்து தரத் தயாராக இருக்கிறோம்” என்று கூறித் தன் பேட்டியை நிறைவு செய்தார்.
பிரதாப்கர் அருகே லக்னோ-வாரணாசி ரயில் பாதையில் உள்ள கிதிர்பூர் பகுதியில், குடும்பத்தினர் சிலர் தங்களது ஆடுகளை ரயில் தண்டவாளப் பகுதியில்…
கர்நாடக மாநிலம் பெங்களூரைச் சேர்ந்த 23 வயதான வர்ஷா என்ற பெண், தனது உறவினர் மற்றும் நண்பருடன் சேர்ந்து சுற்றுலாவுக்காக…
கர்நாடக மாநிலம் கானகலபண்டே கிராமத்தில் உள்ள ஒரு விவசாயியின் பம்ப் செட்டில் கடந்த ஆகஸ்ட் மாதம் நாட்டு வெடிகுண்டு வெடித்துப்…
லக்னோவின் ஜனேஷ்வர் மிஸ்ரா பூங்கா அருகே பெண் ஒருவர் காரின் முன்பகுதியில் தூக்கிச் செல்லப்பட்ட கொடூர சம்பவம் பெரும் பரபரப்பை…
காஸ்கஞ்சில் உள்ள விஷால் மெகா மார்ட்டில் திடீரென பெரும் தீவிபத்து ஏற்பட்டது. இச்சம்பவத்தை அறிந்த காஸ்கஞ்ச் காவல்துறை உடனடியாகச் செயல்பட்டு…
ஸ்மார்ட்போன்களும் மடிக்கணினிகளும் நம் குழந்தைகளின் கல்வியை மேம்படுத்தும் கருவிகளாக அறிமுகப்படுத்தப்பட்ட போதிலும், இன்று அவை அவர்களின் மனநலனை மெதுவாகச் சிதைக்கும்…