ஐயோ பாவம்… தண்டவாளத்தை விட்டு நகர மறுத்த ஆடுகள்… ரயில் மோதி கொடூர விபத்து… கண்முன்னே டஜன் கணக்கில் நசுங்கி பலியான சோகம்…!

பிரதாப்கர் அருகே லக்னோ-வாரணாசி ரயில் பாதையில் உள்ள கிதிர்பூர் பகுதியில், குடும்பத்தினர் சிலர் தங்களது ஆடுகளை ரயில் தண்டவாளப் பகுதியில் மேய்த்துக் கொண்டிருந்தனர். அப்போது, அந்த வழியாக அதிவேகத்தில் வந்த ரயிலின் சிக்னல் ஒலித்து, ரயில் தண்டவாளத்தை நெருங்கத் தொடங்கியது.

ரயில் வருவதைக் கண்டவுடன், அங்கிருந்த பெண்கள் உடனடியாக ஆடுகளைத் தண்டவாளத்தில் இருந்து அப்புறப்படுத்த முயன்றனர். ஆனால், ஆடுகள் அங்கிருந்து நகர மறுத்து ஒரே இடத்தில் நின்றதால், நிலைமையை உடனடியாகக் கட்டுப்படுத்த முடியாமல் பெண்கள் பதற்றமடைந்தனர்.

https://twitter.com/ashishpaswan0/status/2100164734138093857/video/1

கண் இமைக்கும் நேரத்தில் வந்த ரயில், தண்டவாளத்தில் நின்றிருந்த ஆடுகளின் மீது மோதி வேகமாகச் சென்றது. ஹதிகாவான் காவல் எல்லைக்குட்பட்ட பகுதியில் நடந்த இந்தத் துயரமான சம்பவத்தில், ரயிலில் சிக்கி டஜன் கணக்கிலான ஆடுகள் பரிதாபமாக உயிரிழந்தன.