மகனை சினிமாவில் களமிறக்கும் தனுஷ்..? வெளியான புது போஸ்டர்.. எதிர்பார்ப்பில் ரசிகர்கள்..!!

தமிழ் சினிமாவின் முன்னணி நடிகராக வலம் வருபவர் தனுஷ். இந்த நிலையில் தனுஷ் இயக்கி நடித்த ராயன் திரைப்படம் கடந்த சில நாட்களுக்கு முன்பு திரையரங்குகளில் ரிலீஸ் ஆகி சூப்பர் ஹிட் ஆனது. அந்த படத்தின் மூலமாக இயக்குனராகவும் வெற்றி கண்டார் தனுஷ். இந்த படம் மக்களிடையே அமோக வரவேற்பு பெற்றது.

வசூல் ரீதியாகவும் விமர்சன ரீதியாகவும் ராயன் திரைப்படம் வெற்றியடைந்தது. இந்த நிலையில் தனுஷ் நிலவுக்கு என் மேல் என்னடி கோபம் என்ற திரைப்படத்தை இயக்க உள்ளார். நிலவுக்கு என் மேல் என்னடி கோபம் படத்தில் அனிகா சுரேந்தர், பிரியா வாரியர், மேத்யூ தாமஸ் உள்ளிட்டோர் பலர் முக்கிய கதாபாத்திரத்தில் நடித்துள்ளனர். இந்த படத்திற்கு ஜி.வி பிரகாஷ் குமார் இசையமைத்துள்ளார்.

இந்த நிலையில் நிலவுக்கு என் மேல் என்னடி கோபம் படத்தின் ஃபர்ஸ்ட் சிங்கிள் வருகிற 30-ஆம் தேதி ரிலீஸ் ஆக உள்ளது. இந்த பாடலுக்கு கோல்டன் ஸ்பேரோ என தலைப்பு வைக்கப்பட்டுள்ளது. இந்த நிலையில் பாடல் குறித்த புதிய அப்டேட் ரசிகர்களை உற்சாகப்படுத்தியுள்ளது. நடிகை பிரியங்கா மோகன் கேமியோ பெர்ஃபார்மன்ஸ் செய்துள்ளார். இது மட்டுமில்லாமல் தனுஷின் மூத்த மகன் யாத்ரா தனுஷ் இந்த பாடலின் வரிகளை எழுதி இருப்பதாக எஸ்.ஜே சூர்யா தனது சமூக வலைதள பக்கத்தில் கூறியுள்ளார்.

உடனே சமூக வலைதள பக்கத்தில் அனைவரும் யாத்ரா தனுஷ் பாடல் ஆசிரியர் ஆனார் என பேசி வந்தனர். இது தொடர்பான செய்திகளும் இணையத்தில் வேகமாக பரவியது. இந்த நிலையில் நடிகர் தனுஷ் அதற்கு முற்றுப்புள்ளி வைக்கும் விதமாக ஒரு போஸ்டரை பகிர்ந்துள்ளார். அதில் கோல்டன் ஸ்பேரோ பாடலை பாடியது சுபலட்சுமி, ஜிவி பிரகாஷ் குமார், தனுஷ், அறிவு ஆகியோர் இணைந்து அந்த பாடலை பாடியுள்ளனர். மேலும் பாடல் வரிகளை அறிவு எழுதியுள்ளார் எனவும் குறிப்பிடப்பட்டுள்ளது.