“உடனே உங்க ஆதார் நம்பரை இப்படி மாத்துங்க!… பணம் வேணும்னா இது ரொம்ப முக்கியம்.. ஆன்லைனில் ஆதார் இணைக்கும் புது அப்டேட்”…!!!

இந்திய குடிமக்கள் அனைவருக்கும் ஆதார் கார்டு என்பது மிக முக்கியமானதொரு ஆவணமாகும். தற்போதைய சூழலில் ஓய்வூதியம், கல்வி உதவித்தொகை மற்றும் பிஎம் கிசான் போன்ற அரசின் நிதி உதவிகள் அனைத்தும் பயனாளிகளின் கணக்கிற்கு நேரடியாக ஆதார் எண் மூலமாகவே (DBT) அனுப்பப்படுகின்றன. எனவே, உங்களது ஆதார் கார்டு வங்கிக் கணக்குடன் சரியாக இணைக்கப்படவில்லை என்றால், அரசு திட்டங்களின் கீழ் உங்களுக்கு வர வேண்டிய பணம் தடையின்றி கிடைப்பதில் சிக்கல் ஏற்படலாம்.

உங்கள் வங்கிக் கணக்கு ஆதாருடன் இணைக்கப்பட்டுள்ளதா என்பதை அறிய, முதலில் NPCI அமைப்பின் அதிகாரப்பூர்வ இணையதளத்திற்குச் செல்ல வேண்டும். அங்கு நுகர்வோர் (Consumer) பிரிவின் கீழ் உள்ள ‘பாரத் ஆதார் சீடிங் எனேப்ளர்’ (BASE) என்ற விருப்பத்தைத் தேர்ந்தெடுக்க வேண்டும். இதன் மூலம் உங்களது ஆதார் எண் எந்த வங்கிக் கணக்குடன் இணைக்கப்பட்டுள்ளது என்பதையும், அதில் நேரடிப் பணப்பரிமாற்ற (DBT) வசதி செயல்பாட்டில் உள்ளதா என்பதையும் நீங்கள் எளிதாகத் தெரிந்துகொள்ள முடியும்.

ஒருவேளை நீங்கள் ஆதார் இணைக்கப்பட்டிருக்கும் வங்கிக் கணக்கை மாற்ற விரும்பினால், அதே பக்கத்தில் உள்ள ‘ஆதார் சீடிங்/டீ-சீடிங்’ (Aadhaar Seeding/De-seeding) விருப்பத்தைக் கிளிக் செய்ய வேண்டும். பின்னர் உங்கள் ஆதார் எண்ணை உள்ளிட்டு ‘சீடிங்’ என்பதைத் தேர்வு செய்து, நீங்கள் புதிதாக இணைக்க விரும்பும் வங்கியின் பெயரைத் தேர்ந்தெடுக்க வேண்டும். வங்கியினை மாற்றும் பட்சத்தில், “ஒரு வங்கியிலிருந்து மற்றொரு வங்கிக்கு மாற்றவும்” (Move from one bank to another bank) என்ற விருப்பத்தைத் தேர்ந்தெடுத்து, புதிய கணக்கு எண்ணை உள்ளிட்டு உறுதிப்படுத்த வேண்டும்.

இறுதியாக, திரையில் தோன்றும் கேப்ட்சா குறியீட்டை உள்ளிட்டு சமர்ப்பித்தவுடன், ஆதாருடன் இணைக்கப்பட்ட மொபைல் எண்ணுக்கு ஒரு OTP அனுப்பப்படும். அந்த OTP எண்ணைப் பதிவிட்டு, கணக்கு மாற்றத்திற்கான ஒப்புதலை ‘உறுதிப்படுத்து’ (Confirm) என்பதன் மூலம் இறுதி செய்ய வேண்டும். இந்தச் செயல்முறை முடிந்ததும், UIDAI (My Aadhaar) போர்ட்டலுக்குச் சென்று ‘வங்கி ஆதார் இணைப்பு’ நிலையைச் சரிபார்க்கும் போது, புதிய வங்கியின் பெயருடன் ‘Active’ என்று காட்டிவிட்டால் உங்கள் வங்கிக் கணக்கு வெற்றிகரமாக மாற்றப்பட்டுவிட்டது என்பதை அறிந்துகொள்ளலாம்.