“எனக்கு அந்த நோய் இருக்கு!”… மசாஜ் என்ற பெயரில்61 பெண்களை வேட்டையாடிய இந்திய வம்சாவளி வாலிபர்… குற்றவாளின் பகீர் வாக்குமூலம்…!!!

ஆஸ்திரேலியாவின் அடிலெய்ட் நகரில் உள்ள ‘4ever’ மசாஜ் சென்டரில் பணிபுரிந்து வந்த இந்திய வம்சாவளியைச் சேர்ந்த மசாஜ் சிகிச்சையாளர் சுமித் சதீஷ் ரஸ்தோகி (39), 61 பெண் வாடிக்கையாளர்களைப் பாலியல் ரீதியாகத் துன்புறுத்திய வழக்கில் ஆஸ்திரேலிய நீதிமன்றத்தால் 13 ஆண்டுகள் மற்றும் 10 மாதங்கள் சிறை தண்டனை விதிக்கப்பட்டுள்ளார். முறையான கல்வித் தகுதிகள் இல்லாதபோதிலும் கிளெனெல்க் நகரில் உள்ள மசாஜ் நிலையத்தில் பணிபுரிந்து வந்த இவர், அக்டோபர் 2021 முதல் ஜூலை 2022 வரையிலான காலகட்டத்தில் இந்தத் தொடர் குற்றங்களை அரங்கேற்றியுள்ளார். இந்த வழக்கில் 55 ஆபாச வீடியோக்களைப் படம்பிடித்தது மற்றும் 42 கடுமையான பாலியல் வன்கொடுமைகள் உட்பட மொத்தம் 97 குற்றச்சாட்டுகளை ரஸ்தோகி நீதிமன்றத்தில் ஒப்புக்கொண்டுள்ளார்.

இந்த வழக்கினை விசாரித்த தெற்கு ஆஸ்திரேலிய மாவட்ட நீதிமன்ற நீதிபதி, குற்றவாளியின் நடத்தை முற்றிலும் “கட்டுப்பாடற்றதாக” இருந்ததாகவும், பிடிபடும் வரை அவர் எந்தவித சுயக்கட்டுப்பாட்டையும் காட்டவில்லை என்றும் கடுமையாகச் சாடினார். தங்களை மசாஜ் செய்ய வந்த பெண்கள் தன்னை முழுமையாக நம்பியதை ரஸ்தோகி தவறாகப் பயன்படுத்திக் கொண்டு, அவர்களை எவ்வித மரியாதையோ கண்ணியமோ இன்றி நடத்தியுள்ளார் என்று நீதிபதி குறிப்பிட்டார். இதற்கிடையில், பாதிக்கப்பட்ட பெண்கள் தங்களின் புகார் அறிக்கைகளில், ரஸ்தோகியை ஒரு “கொடுமைக்காரர்” மற்றும் “அருவருப்பானவர்” என்று விவரித்துள்ளனர். ஆரம்பத்தில் சில பெண்கள் சங்கடமாக உணர்ந்தாலும், பயம் காரணமாக உடனடியாகப் புகாரளிக்கத் தவறியதை இந்தத் தீய நடத்தைக்குச் சாதகமாக அவர் பயன்படுத்தியுள்ளார்.

தனது இந்த வக்கிரமான குற்றச் செயல்களுக்குப் பிறர் அந்தரங்கத்தைப் பார்க்கும் மனநோய் (Voyeurism) மற்றும் தனது திருமண வாழ்க்கையில் இருந்த சிக்கல்கள்தான் காரணம் என ரஸ்தோகி நீதிமன்றத்தில் வாதாடினார். இருப்பினும், அவரது இந்த வாதத்தை நிராகரித்த நீதிபதி, இந்த நோயறிதல் அவரது கொடூர நடத்தையை ஒருபோதும் நியாயப்படுத்தாது என்றும், தனக்குத் தவறு செய்கிறோம் என்று தெரிந்தே அவர் இதில் ஈடுபட்டார் என்றும் காட்டமாகக் கூறினார். நீதிமன்றம் விதித்த 13 ஆண்டுகள் 10 மாதங்கள் சிறைத்தண்டனையில், 10 ஆண்டுகள் 10 மாதங்கள் பரோல் வழங்க முடியாத கடுமையான காலமாகும். அத்துடன், சிறைத்தண்டனை காலம் முடிவடைந்து விடுதலையானதும் அவர் ஆஸ்திரேலியாவிலிருந்து உடனடியாக இந்தியாவிற்கு நாடு கடத்தப்படுவார் என்றும் எதிர்பார்க்கப்படுகிறது.