வேகத்தடையும் இல்லை.. டிராஃபிக் ஜாமும் இல்லை..! 80 கி.மீ ஸ்பீடில் ரோடு கிளீன் செய்யும் நவீன வாகனம்… நெட்டிசென்கள் பாராட்டு…!!

சீனாவில் நெடுஞ்சாலைகளை சுத்தம் செய்வதற்காக பயன்படுத்தப்படும் ஒரு நவீன ‘ஹை-ஸ்பீட் ஹைவே ஸ்வீப்பர்’ இயந்திரம் சமூக ஊடகங்களில் வைரலாகி பெரும் வரவேற்பைப் பெற்று வருகிறது. எக்ஸ்பிரஸ்வே எனப்படும் அதிவேக நெடுஞ்சாலைகளில் பரவிக் கிடக்கும் குப்பைகள் மற்றும் கழிவுகளை இந்த நவீன இயந்திரம் மிகக் குறைந்த நொடிகளில் சுத்தம் செய்கிறது. நவீன பொறியியலின் சிறந்த எடுத்துக்காட்டாகத் திகழும் இந்த இயந்திரத்தின் செயல்பாடு அனைவரையும் வியப்பில் ஆழ்த்தியுள்ளது.

இந்த அதிவேக துப்புரவு இயந்திரம் சுமார் 80 கி.மீ வேகத்தில் இயங்கக்கூடிய திறன் கொண்டது. வழக்கமாக சாலைகளை சுத்தம் செய்யும் வாகனங்கள் மிக மெதுவாகச் செல்வதால், நெடுஞ்சாலைகளில் போக்குவரத்து நெரிசல் ஏற்பட்டு வாகனங்கள் நீண்ட வரிசையில் காத்து நிற்கும் நிலை ஏற்படும். ஆனால், இந்த சீன தொழில்நுட்ப இயந்திரம் அதிவேகமாகப் பயணித்து சுத்தம் செய்வதால், பிற வாகனங்களின் வேகம் குறையாமலும், போக்குவரத்து பாதிக்கப்படாமலும் சாலை தூய்மையாக்கப்படுகிறது.

https://www.instagram.com/reel/DZXXU_nsx63/?utm_source=ig_web_button_share_sheet

போக்குவரத்துக்கு எந்தவொரு இடையூறும் தராமல் சாலைகளைச் சுத்தம் செய்யும் இந்தத் தொழில்நுட்பம், பயணிகளின் நேரத்தை மிச்சப்படுத்துவதோடு சாலை பாதுகாப்பையும் கணிசமாக மேம்படுத்துகிறது. சமூக ஊடகங்களில் இந்த வீடியோவைப் பார்த்த நெட்டிசன்கள் பலரும் இதன் வேலை செய்யும் முறையைப் பாராட்டி வருகின்றனர். இத்தகைய நவீன இயந்திரங்களை பெரிய அளவில் பயன்படுத்தினால், நெடுஞ்சாலைகளின் பராமரிப்புப் பணிகள் முன்னெப்போதையும் விட மிகவும் எளிதாகவும் வேகமாகவும் மாறும் என்று பயனர்கள் கருத்து தெரிவித்துள்ளனர்.