காலையில் விளம்பரமாக வந்த போட்டோ… மதியம் நடந்த விமான விபத்து… பகீர் கிளப்பும் புகைப்படம்..!!

குஜராத் மாநிலம் அகமதாபாத்தில் இருந்து லண்டன் நோக்கி புறப்பட்ட ஏர் இந்தியா விமானம் ஆனது நேற்று புறப்பட்ட சில வினாடிகளில்  அகமதாபாத் விமான நிலையம் அருகிலுள்ள பிஜே மருத்துவ கல்லூரி விடுதியில் கட்டடத்தில் விழுந்து விபத்து ஏற்பட்டது. இதில்  பயணிகள், விமான ஊழியர்கள் உட்பட 242 பேர் பயணித்த நிலையில் இதில் ஒருவர் மட்டுமே உயிர் பிழைக்க 241 பேர் உயிரிழந்தார்கள். மொத்தமாக 265 பேர் உயிரிழந்தது குறிப்பிடத்தக்கது. இந்த விமான விபத்தில் பயணித்த குஜராத் மாநில முன்னாள் முதல்வர் விஜய் ரூபா னியும் விபத்தில் உயிரிழந்தார். இந்த சம்பவம் விபத்தா..? அல்லது சதி செயலா அல்லது பறவை மோதியது காரணமா? என பல கோணங்களில் விசாரணை நடைபெற்று வருகிறது.

இந்த விபத்தானது நாடு முழுவதும் பெரும் அதிர்வலைகளை ஏற்படுத்தியது. இந்த நிலையில் இணையத்தில் ஒரு விஷயம் வைரலாகி வருகிறது. அதாவது விமான விபத்து நடந்த அன்று காலையிலேயே mid-day என்ற ஆங்கில பத்திரிகையின் முன் பக்கத்தில் KidZania என்னும் விளம்பரத்தில் ஏர் இந்தியா விமான விபத்துக்குள்ளாவது போன்ற புகைப்படம் இடம் பெற்றிருந்தது. இதனையடுத்து மதியமே இந்த விமான விபத்து நடந்துள்ள நிலையில் தற்போது இந்த புகைப்படம் இணையத்தில் வைரலாகி பரபரப்பாக பேசப்பட்டு வருகிறது.