“உனக்கு இன்னொரு புருஷன் கேக்குதா டி, அப்போ செத்துரு”… கர்ப்பிணி மனைவியை துடிதுடிக்க கொன்ற முதல் கணவன்…. திடுக்கிடும் சம்பவம்….!

தெலங்கானா மாநிலம் ஐதராபாத் வனஸ்தலிபுரத்தில் வசித்து வந்த 30 வயது மென்பொறியாளர் சுனிதா, தனது முன்னாள் கணவர் மகேஷால் கொடூரமாகக் கொலை செய்யப்பட்டார். கடந்த 2022-ஆம் ஆண்டு மகேஷுடன் திருமணமான சுனிதா, கருத்து வேறுபாடு காரணமாக 2024-ஆம் ஆண்டு சட்டப்படி விவாகரத்து பெற்றார். விவாகரத்துக்குப் பிறகு சுனிதா வேறொருவரை மறுமணம் செய்து கொண்டதும், மகேஷின் கனடா வேலை பறிபோனதும் இந்த வன்முறைக்கு முக்கியக் காரணமாக அமைந்ததாகக் கூறப்படுகிறது.

தன் வேலை இழப்பிற்கும், தாயின் மரணத்திற்கும் சுனிதாவே காரணம் என நம்பிய மகேஷ், அவர் மீது கடும் வன்மம் கொண்டிருந்தார். சுனிதாவைப் பழிவாங்கத் திட்டமிட்ட மகேஷ், சமூக வலைதளங்கள் மூலம் அவரது புதிய முகவரியைக் கண்டறிந்து, கடந்த இரண்டு மாதங்களாக ஒரு விடுதியில் தங்கியிருந்து அவரது நடமாட்டங்களைக் கண்காணித்து வந்துள்ளார். நேற்று முன்தினம் திட்டமிட்டபடி, இரண்டு கத்திகள் மற்றும் பெட்ரோலுடன் சுனிதாவின் வீட்டிற்குள் புகுந்து இந்தத் தாக்குதலை நடத்தியுள்ளார்.

வீட்டிற்குள் அத்துமீறி நுழைந்த மகேஷ், சுனிதா இருந்த அறைக்குள் புகுந்து கதவை உட்புறமாகத் தாழிட்டுக் கொண்டார். தான் கொண்டு வந்த கத்தியால் சுனிதாவின் தலையில் பலமுறை குத்தி அவரை ரத்த வெள்ளத்தில் துடிக்கத் துடிக்கக் கொலை செய்தார். தகவல் அறிந்து காவல்துறையினர் அங்கு வந்தபோது, தான் கொண்டு வந்த பெட்ரோலை அறை முழுவதும் ஊற்றிவிட்டு, தற்கொலை செய்து கொள்ளப்போவதாக மிரட்டியுள்ளார். நீண்ட போராட்டத்திற்குப் பிறகு காவல்துறையினர் அவரைச் சமாதானப்படுத்தி கைது செய்தனர்.

சுனிதா கொலை செய்யப்படும்போது மூன்று மாத கர்ப்பிணியாக இருந்ததாக அவரது இரண்டாவது கணவர் வேதனையுடன் தெரிவித்துள்ளார். இது குறித்து வனஸ்தலிபுரம் காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர். விவாகரத்து பெற்ற பின்னரும் ஒரு பெண்ணின் தனிப்பட்ட வாழ்க்கையைச் சிதைத்து, வன்மத்தால் உயிரைப் பறித்த இந்தச் சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.