ஷாக்..! மேடையில் இளம் வீரரை கட்டிப்பிடித்த காவ்யா மாறன்..? தர்மசங்கடத்தில் நெளிந்த சக வீரர்… வைரல் வீடியோவின் பின்னணியில் இருக்கும் அதிரடி உண்மை..!!

சமூக வலைதளங்களில் சன்ரைசர்ஸ் ஹைதராபாத் அணியின் உரிமையாளர் காவ்யா மாரன், இளம் வீரர் பிரஃபுல் ஹிஞ்சைக் கட்டிப்பிடித்து பாராட்டுவது போன்ற ஒரு காணொளி தீயாய் பரவி வருகிறது. ராஜஸ்தான் ராயல்ஸ் அணிக்கு எதிரான போட்டியில், அறிமுக வீரராகக் களமிறங்கிய பிரஃபுல் ஹிஞ்ச் தனது முதல் ஓவரிலேயே 3 விக்கெட்டுகளை வீழ்த்தி வரலாற்றுச் சாதனை படைத்ததற்காக, காவ்யா மாரன் அவருக்கு விலையுயர்ந்த கைக்கடிகாரங்களைப் பரிசளித்து அணைத்துக்கொண்டதாக அந்தப் பதிவில் கூறப்பட்டிருந்தது. அருகில் இருந்த மற்றொரு வீரர் சாகிப் ஹுசைன், அந்தக் கட்டிப்பிடிப்பு தனக்கானது எனத் தவறாக நினைத்து கைகளை விரித்து தர்மசங்கடத்திற்கு உள்ளான காட்சியும் அதில் இடம்பெற்றிருந்தது.

இருப்பினும், இந்த வைரல் வீடியோவின் உண்மைத்தன்மையை ஆராய்ந்தபோது, அது முற்றிலும் போலியானது என்பது கண்டறியப்பட்டுள்ளது. இது செயற்கை நுண்ணறிவு (AI) தொழில்நுட்பத்தைப் பயன்படுத்தி உருவாக்கப்பட்ட ஒரு ‘டீப்ஃபேக்’ (Deepfake) வீடியோ ஆகும். அந்த வீடியோவில் இருக்கும் பெண்ணின் முக அமைப்பு மற்றும் அசைவுகள் காவ்யா மாரனிடமிருந்து முற்றிலும் வேறுபட்டுத் தெரிவதையும், வீடியோவில் உள்ள சில சிதைவுகளையும் நுட்பமாகக் கவனித்தால் இது ஒரு தொழில்நுட்ப ஏமாற்று வேலை என்பது அப்பட்டமாகத் தெரிகிறது.

இந்த வீடியோவைப் பார்த்த பல நெட்டிசன்கள், இது “AI பிதற்றல்” என்றும், மக்களைத் திசைதிருப்ப உருவாக்கப்பட்ட போலித் தகவல் என்றும் கருத்து தெரிவித்து வருகின்றனர். ஒரு வரலாற்றுச் சாதனை நிகழ்ந்தது போன்ற பிம்பத்தை உருவாக்கி, உணர்ச்சிகரமான ஒரு சூழலை ஏஐ மூலம் சித்தரித்து வைரலாக்கியுள்ளனர். தொழில்நுட்ப வளர்ச்சியின் மூலம் உண்மையான உருவங்களைச் சிதைத்து இதுபோன்ற போலி வீடியோக்கள் உருவாக்கப்படுவது விளையாட்டு ரசிகர்களிடையே பெரும் அதிர்ச்சியை ஏற்படுத்தியுள்ளது.