அதிமுகவுக்கு விழுந்த பலத்த அடி…. “5 லட்சம் மெம்பர்கள்… 17 முக்கிய துறைகள்”… கூண்டோடு தவெகவில் இணைந்த முக்கிய புள்ளி.. இபிஎஸ்-க்கு செம ஷாக்….!

அதிமுகவின் அண்ணா தொழிற்சங்க பேரவை மாநிலச் செயலாளராகப் பொறுப்பு வகித்து வந்த ஆர். கமலக்கண்ணன், திடீரென தனது ஏராளமான ஆதரவாளர்களுடன் சென்று தமிழக வெற்றிக் கழகத்தில் (TVK) இணைந்துள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. போக்குவரத்து, டாஸ்மாக், மின்துறை உள்ளிட்ட 17 முக்கிய துறைகளில் தவிர்க்க முடியாத சக்தியாக விளங்கும் அண்ணா தொழிற்சங்கத்தில், சுமார் 5.42 லட்சம் உறுப்பினர்கள் உள்ளனர்.

இந்த சங்கத்தில் கமலக்கண்ணன் தனது தனிப்பட்ட செல்வாக்கின் மூலம் வலுவான அடித்தளத்தைக் கொண்டிருந்ததால், அவரின் இந்த திடீர் விலகல் அதிமுகவிற்குப் பேரிடியாக அமைந்துள்ளது. மிக முக்கியமான தொழிற்சங்கப் பிரிவின் முன்னணித் தலைவர் ஒருவரை, தவெக தனது பக்கம் இழுத்திருப்பது அதிமுக பொதுச்செயலாளர் எடப்பாடி பழனிசாமிக்கு (EPS) பெரும் அதிர்ச்சியை ஏற்படுத்தியுள்ளதாக அரசியல் வட்டாரங்கள் தகவல் தெரிவிக்கின்றன.